Flash News
E rëndë në Krujë/ 42 vjeçarja futi në qese dhe hodhi në lumë foshnjën e porsalindur në shtëpi
Presidenti Begaj dekreton ligjin për zonat e mbrojtura
Mbytet në ujin e shatërvanit një i mitur afgan në Shëngjin
“Minuan sundimin e ligjit”, DASH shpall ‘non grata’ tre zyrtarë të lartë në Ballkan
Akuzohet për 4 vepra penale/ SPAK nis hetimet ndaj drejtorit të Tatimeve, Ceno Klosi
UEFA ka publikuar sot listën e lojtarëve të nominuar për të fituar çmimin e “Futbollistit më të mirë” për sezonin 2017-2018. Tre kandidatët janë Luka Modric, Cristiano Ronaldo dhe Mohamed Salah.
Luka Modric fitoi “Champions League” për herë të tretë radhazi si pjesë e Real Madrid, ndërsa në Kupën e Botës 2018 ishte kapiteni i Kroacisë që shkoi deri në finale. Ai u shpall futbollisti më i mirë në “Rusi 2018”.
Cristiano Ronaldo fitoi Champions për herë të pestë në karrierë dhe për herë të gjashtë u shpall golashënuesi më i mirë në këtë veprimtari. Gjatë verës, ai u transferua nga Real Madrid te Juventus për 100 milionë euro.
Kandidati i tretë është Mohamed Salah, finalist i Champions League dhe golashënuesi më i mirë i Premier League me Liverpool.
Bie në sy se Lionel Messi, “ylli” i Barcelonës i cili ka ngelur jashtë podiumit renditet i pesti, pas Antoine Griezman, futbollistit të Atletico-s që mban vendin e katërt.
Çmimi do të jepet më 30 gusht në një ceremoni ‘gala’ në Montekarlo.
Renditja nga vendi i katërt në vendin e dhjetë:
4.Antoine Griezmann (Atlético & Francë)
5.Lionel Messi (Barcelona & Argjentinë)
6.Kylian Mbappé (Paris & Francë)
7.Kevin De Bruyne (Manchester City & Belgjikë)
8.Raphaël Varane (Real Madrid & Francë)
9.Eden Hazard (Chelsea & Belgjikë)
10.Sergio Ramos (Real Madrid & Spanjë).
80 trajnerët në fazën me grupe të Champions League dhe Europa League, krahas 55 gazetarëve ishin ata që votuan për këtë çmim.
Kandidatët për çmimet e tjera:
Portieri i sezonit: Alisson Becker, Gianluigi Buffon, Keylor Navas
Mbrojtësi i sezonit: Marcelo, Sergio Ramos, Raphaël Varane
Mesfushori i sezonit: Kevin De Bruyne, Toni Kroos, Luka Modrić
Sulmuesi i sezonit: Lionel Messi, Cristiano Ronaldo, Mohamed Salah
Më i miri në Europa League: Diego Godín, Antoine Griezmann, Dimitri Payet.