Dy deputetë të partisë Liberale Egjiptiane, Veton Berisha dhe Etem Arifi nga Partia e Ashkalinjve për Integrim paralajmërojnë se do të largohen nga koalicioni qeverisës i Haradinaj.
Berisha dhe Arifi kanë theksuar që nëse brenda 24 orëve nuk korrigjohet konkursi për policë të rinj të Kosovës, atëherë do të detyrohen ta bëjnë këtë veprim.
“Me dashje apo pa dashje me qëllim apo pa qëllim, Policia e Kosovës dhe Ministria e Punëve të Brendshme e diskriminon dhe përjashton nga Konkursi Publik i Policisë së Kosovës kandidimin e pjesëtarëve nga komuniteti egjiptian dhe ashkali. Siç shihet nga formulari i aplikimit egjiptianët dhe ashkalit nuk e kanë mundësinë të kandidojnë pasi që i është mohuar e drejta e deklarimit të përkatësisë etnike për dallim me komunitetet tjera. Ne deklarojmë se kurrë nuk do ta lejojmë këtë praktikë diskriminuese nga e kaluara”, thuhet në një deklaratë të këtyre dy deputetëve.
Sipas Berishës dhe Arifit egjiptianët dhe ashkalinjtë janë kategori kushtetuese pasi në konkurs përfshihen kategori jo kushtetuese (çerkez dhe kroat) dhe ky gabim sipas tyre është i pafalshëm.
Discussion about this post