Flash News
E rëndë në Krujë/ 42 vjeçarja futi në qese dhe hodhi në lumë foshnjën e porsalindur në shtëpi
Presidenti Begaj dekreton ligjin për zonat e mbrojtura
Mbytet në ujin e shatërvanit një i mitur afgan në Shëngjin
“Minuan sundimin e ligjit”, DASH shpall ‘non grata’ tre zyrtarë të lartë në Ballkan
Akuzohet për 4 vepra penale/ SPAK nis hetimet ndaj drejtorit të Tatimeve, Ceno Klosi
Një ditë para samitit për refugjatët, Antonio Tajani: E mundshme që kampet të ngrihen në Shqipëri
Për herë të parë një zyrtar i lartë i Bashkimit Evropian ka deklaruar se është e mundshme që kampet e refugjatëve të ngrihen në Shqipëri ose në Maqedoninë Veriore. Bëhet fjalë për presidentin e Parlamentit Evropian, italianin Antonio Tajani, i cili e ka bërë këtë deklaratë një ditë përpara mini-samitit për refugjatët, i kërkuar nga kancelarja gjermane Angela Merkel.
"Ne kemi nevojë për kampe jashtë BE”, ka thënë Tajani sot për "Funke Medien Gruppe", duke shtuar se e përfytyron si të mundshme, që qendra të tilla të ngrihen në Shqipëri apo Maqedoninë e Veriut.
Tani nuk bëhet fjalë për zgjidhje të veçuara kombëtare, ka vijuar Tajani, ne kemi nevojë për një strategji europiane.
Presidenti i PE ka përmendur Libinë, Tunizinë, Marokun dhe Nigerinë si shtete të mundshme ku mund të ngrihen gjithashtu kampe për refugjatët.
Tajani ka theksuar se problemi i refugjatëve nuk është çështje vetëm e Gjermanisë dhe ka kërkuar që të gjendet një zgjidhje në nivel të BE-së, sepse nëse shtetet anëtare veprojnë të veçuara, atëherë kjo mund të sjellë edhe shkatërrimin e unionit.