Flash News

Gardisti dhunon protestueses gjatë takimit të Ramës /VIDEO

Protestë kundër Ramës edhe në Berlin

Siguri e shtuar për vizitën e Ramës në Vlorë

Aksidentohet urbani te Gjykata e Tiranës, disa të lënduar

Qytetari i vë thikën në qafë policit të Rrugores

KRYESORE

“Pyet gjyshërit 3”, mbyllet konkursi me shpërndarjen e çmimeve për 50 fituesit

Politiko 31 Tetor 2018, 12:53
“Pyet gjyshërit 3”, mbyllet konkursi me shpërndarjen e

Pas 1 muaj e gjysëm konkurrim, edicioni i tretë  i “Pyet Gjyshërit” kulmoi me një ceremoni të shpërndarjes së çmimeve. 50 të rinj u bënë fitues të vizitave studimore në vendet e kujtesës në Shqipëri dhe në Europën Juglindore.

Konkursi “Pyet Gjyshërit 2018”, organizuar nga Instituti për Demokraci, Media dhe Kulturë (IDMC) në bashkëpunim me Fondacionin Konrad Adenauer (KAS), Shoqatën e Mësuesve të Historisë së Shqipërisë “Rinia & Historia” dhe Ministrinë e Arsimit Sportit dhe Rinisë (MASR) arriti këtë vit një shtrirje më të gjerë. Nga data 1 shtator deri më 15 tetor, 430 nxënës me 312 punime nga 43 shkolla anë e mbanë vendit paraqitën pranë jurisë së konkursit përfytyrimet e tyre rreth së shkuarës komuniste në formë esesh, arti pamor dhe të multimedias.

Juria ishte e përbërë prej personalitetesh si ekspertja e kurrikulës shkollore Fatmiroshe Xhemalaj, gazetarja Ilva Tare, shkrimtari Agron Tufa që është njëherësh Drejtor i Institutit të Studimeve për Krimet dhe Pasojat e Komunizmit, skenaristi Ylljet Aliçka dhe pedagogu i artit dhe multimedias Shpend Bengu. Punimet e këtij viti kishin një nivel të lartë duke pasur parasysh moshën e pjesmarrësve që ishte nga mosha 15 deri në 19-vjeç.

Fituesit e çmimeve për punimet më të mira në kategoritë: ese, art pamor dhe multimedia në konkursin “Pyet Gjyshërit 3” fituan një vizitë studimore në vendet e kujtesës në rajonin e Europës Juglindore.

Fituesit e punimeve më të mira:

Çmimi i rrjetit – për punimin më të vlerësuar online në Facebook-un e IDMC. E fitoi 15-vjeçarja nga gjimnazi “16 Shtatori” i Shijakut, Xhorda Norja, përmes një realizimi në art pamor. Punimi i Xhordës pati marrë mbi 760 like në faqen “Facebook” të IDMC.

Çmimi i arteve pamore u fitua nga 15-vjeçarja Eni Duka, nga shkolla e mesme artistike “Jan Kukuzeli” Durrës, me punimin “Alive”.

Çmimi special shkoi për punimin “Përkundjet e një jete” të Erjola Jahajt dhe Ilirjana Zemanit po nga shkolla e mesme artistike “Jan Kukuzeli”, Durrës.

2 çmime për multimedian shkuan për punimet “Teatri i Diktaturës” dhe “Stuhi dhe Dashuri”. I pari ishte një realizim nga nxënëset e shkollës “Drita e Dijes” në Berat, Rexhina Pelivani, Rea Garuli dhe Adelajda Manushi ndërsa punimi i dytë ishte i Erlis Spahiut nga gjimnazi gjuhësor “Mahmud e Ali Cungu” Elbasan.

Çmimi për senë më të mire, i fituar nga gjimnazistja e shkollës “Dhaskal Todri” në Elbasan, Doris Balliçi me esenë “Dekadat e tmerrit”.

Përveç 9 të rinjve fitues të vizitës studimore në vendet e kujtesës në Europen Juglindore, IDMC dhe KAS surprizuan edhe 30 punimet finaliste, duke i shpallur finalistët fitues të një vizite studimore në vendet e kujtesës nga veriu në jug të Shqipërisë.

 

Të fundit