Flash News
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
Lejuan 37 ndërtime të paligjshme, dënohen dy kryeinspektorë dhe inspektorë të IMT në Bashkinë e Lushnjes
Posta e mëngjesit/ Me 2 rreshta: Çfarë pati rëndësi dje në Shqipëri
Kur ndodheni në një situatë ku një person pëson një goditje në zemër, veprimi i parë që duhet të bëni është të thërrisni ambulancën.
Por ndërkohë ju duhet të jepni ndihmën e parë pasi ambulance mund të vonojë dhe kjo rrezikon jetën e perosnit.
Hapat që duhet të ndiqni kur ndodheni në situate të tilla ose dyshoni për atak kardiak:
Duhet t’i jepni të sëmurit pozicionin e duhur
I sëmuri shtrihet në shpinë dhe i vendoset diçka nën kokë, në mënyrë që koka të qëndrojë më lart se trupi. Sipërfaqja në të cilën shtrihet i sëmuri duhet të jetë e sheshtë dhe e fortë. Këmbët duhet të mbahen të përthyera në gju. Ky lloj qëndrimi lehtëson punën e zemrës dhe ju jep kohë për të marrë veprime të tjera.
Qetësimi
Më pas duhet të merreni me qetësimin e të sëmurit, në mënyrë që të mos ndryshojë pozicionin për shkak të ankthit. Një nga shenjat e tjera të infarktit të miokardit është frika nga vdekja, e cila i nxit të sëmurët të mos mbajnë pozicionin e lartpërmendur. Duhet me pak fjalë ta qetësoni të sëmurin.
Ajrosja
Një nga shenjat e infarktit akut të miokardit është vështirësia në frymëmarrje, duhet të merren masa për të shtuar sasinë e oksigjenit. Nëse ndodhet në shtëpi, hapet kondicioneri për ajrosje ose dhe hapen dritaret për të përmirësuar oksigjenin në dhomë. Lehtësohet pjesa e sipërme e të sëmurit, duke hequr gjërat rreth qafës dhe duke hapur rrobat në pjesën e sipërme të trupit.
Ilaçet për lehtësimin e dhimbjes
Për qetësimin e dhimbjes vendoset nitroglycerine (trinitrin një tablet) nën gjuhë dhe jepet analgin ose ndonjë ilaç tjetër antinflamator për qetësimin e dhimbjes. Jepet një tabletë aspirinë 500 mg nga goja.
Kontrolli
Nëse me gjithë masat e marra nuk ka përmirësim të gjendjes klinike, duhet të ndiqet gjendja e të sëmurit me kujdes. Kontrollohet frymëmarrja, pulsi, rrahjet e zemrës. Nëse është e mundur, matet tensioni, i cili mund të zvogëlohet së bashku me dobësimin e muskulit të zemrës.
Kontrolli i gjendjes kritike
Nëse i sëmuri humbet vetëdijen, pulsi bëhet i dobët, nëse nuk dëgjohen të rrahurat e zemrës, atëherë ekziston një mundësi shumë e madhe që zemra ka ndaluar së rrahuri. Ky është një moment kritik në dhënien e ndihmës së parë. Në këto kushte bëhet një goditje me grusht në qendër të gjoksit. Ky veprim mund të rikthejë ritmin e zemrës.