Flash News

EMRAT/ Trafik droge drejt Finlandës, SPAK çon në gjyq 11 anëtarët e grupit kriminal

Aksidentet rrugore rriten 6.8% në gjysmën e parë të vitit; kryeson Tirana

"Jo procedurës së përshpejtuar", Bardhi: Nuk votojmë marrëveshjen me SHBA pa u njohur me tekstin

Hetimet për Ballukun nuk mbyllen, SPAK shtyn afatin edhe me 3 muaj

Shoqërohet organizatori i protestës, Arben Kola, tërhiqet zvarrë nga policia

KRYESORE

Sulmi në banesën e gazetares, Këshilli i Medias: Të dënohen autorët, komuniteti ynë s’ mund të jetë kurrë i sigurt

Politiko 31 August 2018, 11:26
Sulmi në banesën e gazetares, Këshilli i Medias: Të

Këshilli i Medias ka dënuar ashpër sulmin e ndodhur një ditë më parë në banesën e prindërve të gazetares së kronikës së zezë, Klodiana Lala.

Përmes një reagimi, Këshilli i Medias i kërkon autoriteteve që të mbajnë fjalën me vepra për mbështetjen e dhënë ndaj sulmit të gazetares, si dhe të vihen para përgjegjësitë autorët.

“Këshilli i Medias dënon me forcë sulmin me armë ndaj shtëpisë së gazetares Klodiana Lala. Këshilli iu kërkon instancave të shtetit, Kryeministrit, Presidentit, Prokurorisë e Gjykatave, që mbështetjen e dhënë me fjalë ta tregojnë qartë me vepra, duke zbardhur të gjitha detajet që shtynë në këtë sulm të paprecedent.

Komuniteti i gazetarëve nuk do të mund të ndjehet kurrë i sigurt nëse nuk vendosen para përgjegjësisë fajtorët.

Këshilli i Medias iu bën thirrje gjithashtu të gjithë aktorëve publike që t’i japin fund gjuhës inflamatore që nxit dhunën ndaj njerëzve të medias.

Është kjo gjuhë që vazhdon prej kohësh që ka krijuar një mjedis mediatik vulnerabël ndaj kërcënimeve e shantazheve. Liria e shprehjes dhe e shtypit është e garantuar me Kushtetutë dhe ne nuk duhet të reshtim së kërkuari këto garanci për median dhe shoqërinë”, reagon Këshilli i Medias.

Të fundit