Flash News
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Nën hetim për trafik k*kaine, SPAK sekuestron pasuritë e Princ Dobroshit dhe Olsi Syziut
Atentat në Memaliaj, qëllohet me breshëri arme avokati
Posta e mëngjesit/ Me 2 rreshta: Çfarë pati rëndësi dje në Shqipëri
Video/ “Duam shkollën!” nxënësit dhe prindërit thirrje ministres Nikolla
“Duam shkollën!”, kjo është thirrja e nxënësve në Mengël të Elbasanit për Ministrinë e Arsimit dhe Bashkinë Elbasan.
Prej një jave ata janë në protestë bashkë me prindërit dhe kanë bojkotuar procesin mësimor, duke kërkuar rikthim në shkollën e tyre, e cila rezulton të jetë në gjendje të mirë për zhvillimin e mësimit.
Pranë tyre ka qenë dhe deputeti demokrat Luçiano Boçi, i cili ka publikuar videot në Facebook ku fëmijët i bëjnë thirrje ministres Lindita Nikolla të reagojë.
Reagimi i Luçiano Boçit:
DUAM SHKOLLËN!!!
Kjo është thirrja që nxënësit në Mengël të Elbasanit, i kanë drejtuar sot Ministrisë së Arsimit dhe Bashkisë Elbasan.
Prej një jave ata janë në protestë bashkë me prindërit dhe kanë bojkotuar procesin mësimor, duke kërkuar rikthim në shkollën e tyre, e cila rezulton të jetë në gjendje të mirë për zhvillimin e mësimit.
Një javë është goxha shumë, që Ministrja e cila fle mbi paaftësinë e saj lapidare, t’i jepte një përgjigje këtyre fëmijëve.
Por papërgjegjshmëria dhe arroganca e kësaj Ministrie s’ka të dytë.
Në vend që të angazhojë prej tre muajsh stafin “bazhibozuk” për të bërë padira qesharake, ajo duhet t’i kishte dhënë zgjidhje situatës absurde me nxënësit e Mengëlit që dërgohen si “sardele” në Elbasan për të bërë mësim me turne.
Megjithatë sot fëmijët i kanë dhënë flakurinën e parë të hidhur turinjve, kësaj papërgjegjshmërie e prepotence.
Kanë hyrë vetë në shkollë duke hapur derën.
Janë ulur në bangat e tyre e kanë kërkuar fillimin e mësimit.
Thirrjet e tyre “Duam shkollën” dhe protesta e tyre kuotimplotë janë paralajmërimet e fortunës që po vjen.
Këmbanat po oshëtijnë...