Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

1 Maji në kohë pandemie, protesta në rrugë dhe në internet

Politiko 1 Maj 2020, 18:28

All - Paragraf - 1

As pandemia nuk i ndali punëtorët nëpër botë të protestojnë në ditën e 1 Majit, që njihet si Dita Ndërkombëtare e Punëtorëve, apo Dita e Punës.

All - Paragraf - 3

Por nën sundimin e rregullave të vendosura prej pandemisë, protestat nuk u zhvilluan si zakonisht. Në një kohë kur punëtorët e botës po mbajnë barrën e rëndë të pasojave ekonomike, disa e panë atë si më të rëndësishme se kurrë për të treguar solidaritet.

Në Athinë, qindra grekë të veshur me maska dhe doreza dhe duke ruajtur distancën gjashtë metra larg, u mblodhën përpara Parlamentit. Skenat e filmuara nga dronët treguan se pjesëmarrësit ishin të shtrirë mjeshtërisht në shesh, duke mbajtur flamujt e kuq, të bardhë dhe blu të një sindikate punëtore e cila organizoi tubimin.

Me secilin pjesëmarrës që qëndronte mbi një afishe të kuqe në tokë, puna e policisë greke, e ambjentuar me ndaljen e protestave ‘të nxehta’ në rrugë, u bë më e lehtë se zakonisht.

Në Spanjë, sindikatat e punës planifikuan të protestonin vetëm në internet, pasi u ndaluan me ligj propozimet e njerëzve për t'u mbledhur jashtë. Në qytetin ku prodhohen makinat e markës Vigo, sindikatat kërkonin që punëtorët të zhvillonin një protestë përmes makinës, me një punëtor në timonin e çdo automjeti për të respektuar rregullat distancuese.

Por edhe kjo u vlerësua e paligjshme nga gjykatat në Spanjë, edhe pse punëtorët u lejuan së fundmi të kthehen në fabrika.

Në Michigan, SHBA qindra protestues dolën që të enjten për të denoncuar masat kufizuese të shtetit ndaj bizneseve. Në pankartat e tyre lexohej: “Ndal bllokimit” dhe “Pa punë pa liri”.

Tubime të tjera të ngjashme janë planifikuar edhe në Kaliforni.

Në SHBA nuk munguan protestat përmes internetit, si thirrja më poshtë kundër izolimit.

“Ne qëndruam të izoluar, po pastaj?”, thuhet në mesazhin e faqes amerikane.

Në Gjermani u protestua online, me sindikatat që transmetonin fjalime dhe muzikë në internet ose në stacionet e radiove lokale. Por në Berlin, ku autoritetet kanë ndaluar grumbullimet e më shumë se 20 njerëzve, një mesazh anonim po qarkullonte me thirrjen për mbliedhje në zemrën e lagjes Kreuzberg të premten në mbrëmje. Policia vendosi 5,000 oficerë në rrugë dhe një helikopter duke patrulluar qytetin nga ajri.

Historia e 1 Majit

Më 1 Maj 1886, sindikatat e punëtorëve në SH.B.A. vendosën të zhvillojnë një grevë me kërkesën që punëtorët të mos punojnë më shumë se 8 orë në ditë. Vetëm tre ditë pasi filloi greva, një shpërthim ndodhi në Sheshin Haymarket të Chicikagos duke lënë shumë të vdekur.

Për të nderuar ata që vdiqën në shpërthim, Konferenca Ndërkombëtare Socialiste shpalli 1 majin si ditën ndërkombëtare të punëtorëve.

Përshtatur nga The New York Times