Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

10 'Urdhëresat' e një jete të shëndetshme

Politiko 13 Mars 2017, 15:23

Ndoshta ti je tipi i personit që hibernon gjithë dimrin dhe nuk bën aktivitet fizik derisa pranvera të ketë çelur edhe lulen e fundit. Ose ndoshta e braktis palestrën sapo fillon e ngrohet koha sepse ku ka më mire se të shoqërosh birra të ftohta me peshk zgare, në anë të detit. Ushqyerja jo e shëndetshme dhe mungesa e aktivitetit fizik për shumë janë më shumë se sa probleme sezoni; në fakt, më shumë se 62 për qind e të rriturve nuk e bëjnë sasinë e rekomanduar të aktivitetit fizik—të paktën 75 minuta ushtrime aerobike rigoroze në javë ose 150 minuta ushtrime aerobike të moderuara (si ecja)---në çfarë kohë të vitit.

Adoptimi i zakoneve të shëndetshme përgjatë gjithë vitit nuk kërkon që të kesh një shef që jeton me ty, apo nje trajner që të bërtet te veshi. Me pak planifikim dhe disa ndryshime të vogla, ti mund të bësh pjesë të jetës tënde të përditshme një dietë të shëndetshme dhe ushtrime fizike të mira. Le ta fillojmë me disa hapa të thjeshtë.

Ushtrohu në atë kohë të ditës që është më e përshtatshme për ty

Teksa ka studime që tregojnë se të bësh fizkulturë në orarin 14:00-16:00, kur trupi është i ngrohur, është optimalja, shumica e ekspertëve bien dakord që çfarëdo që përshtatet me agjendën tënde është më e mira. Mëngjeset janë ideale për ata që puna, apo jeta sociale, nuk ju lë shumë hapësirë gjatë ditës. Nëse ushtrohesh në mëngjes, sigurohu që të hash diçka që tretet lehtë, si kos me tërshërë apo një frutë, për të furnizuar trupin me energji. Mëngjeset nuk bëjnë për ty? Një e ndalur në palestër gjatë orarit të drekës apo pas pune mund të jetë ajo që bën për ty. Nëse ushtrohesh në darkë, zgjidh një ushtrim të qetë, si joga apo noti, duke qenë se të ushtruarit shumë afër kohës së gjumit mund ta largojnë atë.

Bëj një plan fitnesi

Përfito nga vlerësimi i fitnesit me një trajner te palestra jote. Shumica e palestrave i ofrojnë këto seanca falas dhe ato mund të jenë një mënyrë mirë për të filluar planin e ri të stërvitjes, nëse do të fillosh të ushtrohesh rregullisht, të humbasësh 10 kile apo të stërvitesh për maratonën e radhës.

Zbulo stërvitjen e preferuar

Asgjë nuk të motivon më shumë se sa një aktivitet që të pëlqen. Gjej një ushtrim që të pëlqen, mendo se çfarë sportesh luaje fëmijë. Nëse të pëlqenin sportet në ekip, ndoshta mund ta gjesh veten te një klasë spin-i apo joga, ose bashkoju një ekipi futbolli, basketbolli apo volejbolli. Je më shumë një ujk i vetmuar? Vrapi, në natyrë apo te pista e palestrës, ndoshta po thërret emrin tënd. Nëse do të provosh diçka por nuk je gati për angazhimin financiar (lexo: pagesën mujore), YouTube është një mundësi e mirë për të eksploruar botën e stërvitjes në kushtet e shtëpisë.

Ndryshoji pak ushtrimet

një nga mënyrat më të mira për ta ruajtur interesin në fitnes është të bësh ushtrime të ndryshme. Jo vetëm që “i mban” gjërat interesante, por është mirë edhe për trupin. Ekspertët rekomandojnë kardio një ditë, stërvitje me pesha ditën tjetër, joga apo Pilates ditën e tretë, pushim të katërtën, dhe të nesërmen fillo nga e para. Ditët e pushimit janë shumë të rëndësishme sepse e lejojnë trupin që të marri veten dhe të riparojë dëmtimet që mund të jenë shkaktuar gjatë ushtrimeve.

Përfshi një mik/e

Gjej një partner/e që është në të njëjtin nivel fituesi si ty dhe filloni të ushtroheni sëbashku. Studime të shumta tregojnë se të ushtruarit në grup ofron mbështetje shoqërore dhe mora dhe e mban grupin të motivuar. Të ushtrohesh me një mik/e gjithashtu mund të të zgjojë shpirtin e konkurencës dhe të të inkurajojë që të ushtrohesh më shumë.

Shijo një zëmër të lehtë

Zëmrat e shëndetshme kanë shumë të mira: parandalojnë urinë e tepërtë dhe për rrjedhoj mbingrënien në ushqimin e rradhës, dhe i japin energji trupit para stërvitjes. Nëse zëmrën e ha para stërvitjes, atëherë ha të paktën 30 minuta para dhe zgjidh një ushqim që tretet lehtë, si kos, fruta të freskëta apo të thata dhe gjizë.

Mos harro lëngjet

Uji është shumë i rëndësishëm kur stërvitesh dhe duhet të pish mjaftueshëm para, gjatë dhe pas stërvitjes. Nëse është shumë nxehtë jashtë apo po ushtrohesh me intensitet të lartë, përdor Gatorade të përzier me ujë, për të zëvendësuar elektrolitet. Evitoje kafeinën para dhe pas stërvitjes, sepse largon ujin nga sistemi dhe mund të shkaktojë dehidratim.

Rri larg pijeve të gazuara

Pijet e gazuara janë të mbushura me sheqer dhe kalori boshe. Por, ato jo vetëm që e prishin dietën, por mund edhe të shkaktojnë obezitet dhe rrisin rrezikun e sëmundjes së veshkave te gratë dhe është vërtetuar që ulin densitetin e kockave dhe dëmtojnë dhëmbët.

Merre drekën nga shtëpia

Kurse kohë dhe para, dhe ushqeu më shëndetshëm, duke e marrë drekën nga shtëpia. Nëse merr me vete një drekë të shëndetshme, do e kesh më të lehtë që të evitosh ushqimet e shpejta, dhe aspak të shëndetshme, që ofrojnë fast-food-et. edhe restorantet që reklamojnë ushqime të shëndetshme kanë nivele të larta kripe dhe yndyrne. Duke pasur kontroll mbi sasinë dhe cilësinë e ushqimit, është më e lehtë të mbash edhe premtimin që i ke bërë vetes për një ushqyerje të shëndetshme...dhe të mos harrojmë lekët që kurse duke e marrë drekën me vete.

Ji aktiv/e pas ushqyerjes

Një ushtrim i lehtë pas një vakti ndihmon në qarkullimin e gjakut dhe lehtëson tretjen. Një ecje apo një xhiro me biçikletë do të mjaftonte. Mos bëj asgjë shumë intensive menjëherë pas ushqyerjes sepse kjo trazon tretjen dhe nuk i bën mirë stomakut. Gjithashtu, një stërvitje intensive në darkë vonë largon gjumin.