Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

10 parqet më të bukur në botë. A ke qenë në ndonjërin prej tyre?

Politiko 19 Gusht 2017, 16:09

Të pakta janë gjërat që të lumturojnë më shumë se parqet publike. Ajrin e pastër, lulet dhe blerimin i gjen me shumicë në këto hapësira, dhe ato janë vendi perfekt kur do që të arratisesh nga jeta e zhurmshme dhe plot smog e qytetit.

Qytete të ndryshme në të katërt cepat e botës investojnë kohë, para dhe punë për kujdesjen e parqeve, duke i kthyer këto hapësira në qendra komunitare, të mbushura me art, muzikë, teatër dhe ushqim.

Për ata udhëtarë që duan të vizitojnë parqet publike më të bukura në botë, Trip Advisor ka përgatitur listën Top 10!

Parku Stanley, Vankuver, Kanada

Parku Stanley ishte parku i parë i Vankuverit dhe është një vend historik kombëtar i Kanadasë. Oazi 450-ha është gati i gjithi i rrethuar nga ujërat e Oqeanit Paqësor dhe përfshin shtigje, plazhe, kafshë të egra dhe vende historike.

Kopshi i Zotave, Kolorado Springs, Kolorado

Ky Park Natyral Kombëtar është i njohur për formacionet gjigande dhe të bukura të shkëmbinjve të kuq. Parku është i preferuari i alpinistëve, kalorësve dhe motoristëve.

Central Park, Nju Jork, Nju Jork

Parku prej 345-ha është një Monument Historik Kombëtar i ndodhur në qendër të Manhattanit. Vizitorët mund të marrin varka me qira nga Loeb Boathouse, të vizitojnë arinjtë polarë e Kopshti Zoologjik i Parkut Qendror, të darkojnë te Tavern on the Green dhe shumë më shumë.

Parku Milenium, Chicago, Illinois

Parku Milenium shërben si një vend publik për artin, shtëpia e të famshmes skulpturë reflektive Cloud Gate, dhe vitrinë për arkitekturën postmoderne. Vizitorët mund të bëjnë patinazh në dimër, të shohin performanca muzikore te Harris Theater apo të vizitojnë Crown Fountain.

The High Line, Nju Jork, Nju Jork

Ky park publik është i ndërtuar në një urë hekurudhore historike mbi anën perëndimore të Manhattanit. Parku i gjatë 1.45 milje ka të blertë me bollëk, shtroja pafund dhe zona ‘lounge’, si edhe kioska për ushqim apo blerje.

Parku dhe Kopshti Botanik i Mbretit, Perth Australi

Më shumë se 5 milion njerëz e vizitojnë këtë park 453-ha të ndodhur në pjesën perëndimore të distriktit qendror të biznesit të Perthit. Çdo vit parku mirëpret ekspozitën më të madhe të luleve të egra, Festivalin e Parkut të Mbretit.

Parku Guell, Barcelonë, Spanjë

Ky kompleks kopshtesh u ndërtua midis 1900 dhe 1914 dhe ka punime origjinale të arkitektit katalanas Antonio Gaudi. Parku është i njohur për mozaikun e bukur dhe për ndërtesat me forma të pazakonta.

Parku Ibirapuera, Sao Paulo, Brazil

Ky park prej 220-ha është një nga parqet më të mëdha të Amerikës Latine dhe në të gjendet edhe Muzeu i Artit Kontemporan të Universitetit të Sao Paulo, një planetarium dhe një sërë pavionësh dhe auditorësh.

Parque del Buen Retiro, Madrid, Spanjë

Ky park i madh dhe shumë popullor është i gjithi i rrethuar nga qyteti i Madridit dhe ka skulptura, monumente, galeri dhe një liqen. Është gjithashtu shtëpia e Palacio de Cristal, apo Pallati i Kristaltë. Ky pavion i qelqtë fillimisht ka shërbyer si një serë dhe tani përdoret për ekspozita arti.

Kopshti i Luksemburgut, Paris, Francë

Jardin du Luxembourg është parku i dytë më i madh në Paris dhe është kopshti i Senatit francez, i ndodhur në Palais du Luxembourg, apo Pallati i Luksemburgut. Kopshti plot ngjyra është i njohur për shatërvanet mahnitëse dhe ka një shesh lojrash të madh, karuselë të vjetër, një gaxebo dhe kafe të vogla.