Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

10 të arrestuar në Maltë për vrasjen e gazetares Daphne Caruana Galizia

Politiko 4 Dhjetor 2017, 16:37
10 të arrestuar në Maltë për vrasjen e gazetares Daphne

Dhjetë persona, të gjithë maltezë u arrestuan në kuadër të hetimit për vrasjen e gazetares dhe blogeres antikorrupsion Daphne Caruana Galizia, njoftoi sot kryeministri maltez, Joseph Muscat.

“U informova për një operacion të sigurisë të nisur këtë mëngjes në kuadër të një hetimi për vdekjen e Caruana Galizia, 53 vjeçe, e vrarë më 16 tetor nga shpërthimi i një bombe të vendosur në makinën e saj”, sqaroi Muscat në një deklaratë.

“Gjatë këtij operacioni, 10 persona u arrestuan, të dyshuar se janë të përfshirë në vrasje”, shtoi ai.

Dhjetë personat e arrestuar janë të gjithë maltezë, në mesin e tyre ka individë të njohur nga policia.

”Të dyshuarit janë vendosur në paraburgim dhe policia ka afat 48 orë për të vendosur nëse do i kalojë apo jo në gjykatë si çështje, në këtë rast forcat e rendit kanë për detyrë për dhënien e më shumë informacioneve në media”, saktësoi Muscat.

Kryeministri rikujtoi gjithashtu se hetuesit maltezë kishin përfituar nga ndihma e policisë federale amerikane (FBI), Europol dhe policisë finlandeze.

Të fundit