Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“100 vrasje nuk janë pak", Lubonja 'godet' Thaçin: Për çdo krim duhet mbajtur përgjegjësi

Politiko 25 Qershor 2020, 22:04
“100 vrasje nuk janë pak", Lubonja 'godet'

“100 vrasje nuk janë pak. Për çdo krim dikush duhet të mbajë përgjegjësi.”

Kështu është shprehur analisti Fatos Lubonja duke folur rreth akuzave ndaj Hashim Thaçit dhe Kadri Veselit për krime lufte, duke shtuar se duhet pranuar se përpos vrasje shqiptarësh, në luftën e Kosovës ka pasur edhe vrasje serbësh apo vrasje shqiptarësh të quajtur tradhtar.

Në një intervistë për “Real Story”, Lubonja është shprehur se politika ka penguar drejtësinë në Hagë dhe kjo gjë është theksuar qartë edhe nga ish prokurorja Karla Del Ponte si dhe të tjerë personalitete europiane.

Lubonja tregon se Karla Del Ponte në librin e saj flet edhe për krimet e Hashim Thaçit, duke shtuar se pikërisht presidenti i Kosovës dhe njerëz të tjerë me pushtet mbrohen nga akuzat sepse kanë poste të rëndësishme politike. Sipas analistit, për çdo krim duhet mbajtur përgjegjësi.

“Kjo histori nis me librin e Carla Del Pontes. Ka teori konspirative se e ka bërë SHBA ose Europa për sabotim. Por ajo që Carla Del Ponte thotë se është politika që ka penguar drejtësinë në Hagë dhe aty përmendet Hashim Thaçi. Aty thuhet se këta njerëz kanë kryer krime, por kanë pushtet politik se janë kryeministra, presidentë. Kosova është revoltuar, edhe për shkak se janë vrarë në atë kohë shqiptarë, janë dëbuar etj. Në Kosovë dështoi UNMIK, dështoi edhe EULEX, ndërsa ka pasur presion politik. 100 vrasje nuk janë pak. Për çdo krim dikush duhet të mbajë përgjegjësi.

Në këtë kuptim, këtu ka një dështim të Kosovës që ndodhi tani. Gjykoj se prokurori e bën publik tani për shkak se ndërhyrjet politike kanë penguar drejtësinë. Kjo sepse padyshim që Thaçi që shkon në negociata është më i mbrojtur sesa një Thaçi pa pushtet. Ne si shqiptarë iu kërkojmë serbëve të dënojnë krimet e serbëve, ndërsa duhet të dënohen të gjithë ata që kanë kryer krime. Në atë luftë, ka pasur edhe krime ndaj shqiptarëve, por ka pasur edhe vrasje shqiptarësh, të quajtur tradhtar, janë dëbuar serbë, ne nuk i themi këto sepse kanë pushtet. Por duhet ta përballojmë. Kur na duhet legjitimiteti, ne e përdorim Europën, ndërsa kur Europa na kërcënon, e kritikojmë”, tha Lubonja.

Të fundit