Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

105 vjetori i Policisë, Basha në familjen e Artan Cukut: Burrat dhe gratë me uniformë të bashkohen me aleancën e vlerave

Politiko 13 Janar 2018, 11:47

Me rastin e 105 vjetorit të Policisë së Shtetit, kreu i PD-së, Lulzim Basha ka qenë në familjen e komisarit Artan Cukut, i vrarë nga persona ende të paidentifikuar. Basha e konsideroi tragjike situatën ku ndodhet sot policia dhe punonjësit e saj, të cilët janë braktisur për shkak të aleancës që qeveria ka lidhur me krimin.

Basha kërkoi angazhimin e burrave dhe grave me uniformë që të bashkohen me aleancën e vlerave për të rrëzuar aleancën e krimit.

Pjesë nga fjala e Bashës:

Në këtë 105 vjetor policia është në një moment tragjik, e tradhtuar nga drejtuesit politik. Nëse më parë kriminelët merrnin arratinë dhe policia ishte në ballë të luftës, sot kriminelët janë në krye të Policisë së Shtetit, ndërsa drejtuesit e policisë kanë marrë arratinë, ose janë goditur nga krimi, sikurse është oficeri Artan Cuku. Dhjetëra punonjës policise janë goditur nga krimi për të vetmen arsye se nuk dinin të ktheheshin pas në luftën kundër krimit siç janë rastet e Dritan Zaganit dhe kolegët e tij, të cilët janë detyruar të marrin arratinë pasi denoncuan lidhjet e pushtetit kriminal, lidhjet e Saimir Tahirit dhe shefit të tij politik me bandat më të rrezikshme të drogës dhe krimit. Shqipëria është në këtë gjendje sepse Policia e Shtetit i është dorëzuar nga politika, nga pushteti i korruptuar i Edi Ramës, i Saimir Tahirit dhe drejtuesve të tjerë politikë të kësaj aleance me krimin.

Shërbimi më i madh që mund të bëjmë ndaj burrave dhe grave të veshura me uniformë është që të bashkohemi në një aleancë vlerash për të shporruar aleancën e krimit në pushtet dhe të rikthejmë drejtësinë e çliruar nga krimi, policinë e çliruar nga krimi. Në 105 vjetor i uroj çdo burri dhe gruaje të veshur me uniformë që të gjejë forcën të përballet me këtë të vërtetë të dhimbshme dhe t’i bashkohet me shpirt kurajos qytetare që po ngrihet për t’i dhënë fund aleancës me krimin. 

Të fundit