14 shtator 1998/ Foto dhe video të 21 viteve më parë, kur tentohej të merrej Kryeministria dhe RTSH

21 vjet më parë, më 14 shtator 1998 mijëra njerëz tentuan të marrin me forcë Kryeministrinë. Qeveria e asaj kohe drejtohej nga Fatos Nano dhe protestuesit kërkonin dorëheqjen e tij.

Ngjarja mori shkas nga vrasja e liderit të Lëvizjes Studentore Azem Hajdarit.

Protestuesit sulmuan godinën e Kryeministrisë, Parlamentit dhe hynë me forcë në godinën e Televizionit Publik Shqiptar.

Rreth orës 10:00 të paradites së 14 Shtatorit, kryeministri njofton për një skenar destabilizues.
Një orë më vonë, kortezhi mortor, një pjesë e armatosur, drejtohet drejt Kryeministrisë. Ndërsa turma i vërsulet Kryeministrisë, lideri i Partisë Demokratike Sali Berisha kthehet në seli.

Një grup personash e çojnë arkivolin për nga dera e Kryeministrisë, ndërsa të tjerë qëllojnë me armë. Kryeministria braktiset nga punonjësit, ndërsa protestuesit sulmojnë me granatahedhës dhe bomba.