Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

17 vite burg për 3 shqiptarë në Londër, hodhën kokainën në rezervuar

Politiko 22 Tetor 2017, 16:26
17 vite burg për 3 shqiptarë në Londër, hodhën

Trafiku i drogës dhe i heroines nga shqiptarët nuk bëhet vetëm në Shqipëri, në Itali apo në Greqi. Edhe në Londër, në Holandë, në Francë e në Gjermani, gjithandej ka shqiptarë të dënuar për trafik droge e heroine. Mësohet se tre shqiptarët që kishin rënë në prangat e policisë angleze, për trafik kokaine kanë marrë sot dënimin nga gjykata e Blackfriars Crown Court.

Gjykata e Blackfriars ka dënuar me 8 vite e gjysmë burg shqiptarin Prenga, 8 vite anglezin, me 6 vite burg është dënuar Dushi, si dhe 3 vite Qajka. Të katër u akuzuan për furnizim të drogës së Klasit A, ndërsa Reed dhe Prenga u akuzuan edhe për posedim të pasurive kriminale.

“Ne besojmë se Reed, Prenga, Dushi dhe Qajka janë pjesë e një grupi më të gjerë të krimit të organizuar për shpërndarjen e kokainës me shumicë në një shkallë të gjerë në Londër”, tha Martin Groves nga Partneriteti i Krimit të Organizuar.

Ajo që dihet për ngjarjen është se shpërndarësit e drogës e hodhën kokainën në një rezervuar pasi e kuptuan se ishin në vëzhgim. Por, zyrtarët e Agjencisë Kombëtare kundër Krimit e mblodhën lëndën duke grumbulluar një 1 kg kokainë të klasit A. Në pranga përfunduan shqiptarët Ndrek Prenga, 33 vjeç, nga Ashford, Surrey, Elton Qajka, 21 vjeç, nga Islington, dhe Nikolin Dushi, 30-vjeç, nga Barnet, si dhe Kerry Reed, 39-vjeç, i cili dorëzoi një qese me ngjyrë kafe gjatë një takimi në shtëpinë e Prengës, shkruan NCA. Takimet u kryen më 2 gusht të këtij viti poshtë një rruge të mbuluar me barë, në afërsi të rezervuarit. Zyrtarët gjetën një tjetër paketë me drogë në ujë, pas kërkimeve të shtëpisë së tij si dhe të automjeteve. Në përfundim u konfiskuan një sasi e konsiderueshme të parave të gatshme dhe një bllok kilogram kokainë.

Prenga, Dushi dhe Qajka, të cilët janë shtetas shqiptarë, u arrestuan në të njëjtën ditë. Zyrtarët kontrolluan shtëpitë e tyre dhe gjetën më shumë telefona celularë, tufa të holla, dokumente identiteti të rreme si dhe materiale paketimi të drogës.

Të fundit