Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

20 vjet pa Azem Hajdarin, heroin e demokracisë

Politiko 12 Shtator 2018, 07:52
20 vjet pa Azem Hajdarin, heroin e demokracisë

Sot mbushen plot 20 vjet nga ndarja nga jeta e heroit të Demokracisë, Azem Hajdari, i cili mbeti i vrarë pas një atentati të bërë ndaj tij më 12 shtator të vitit 1998.

Që nga vitit 2013, eshtrat e liderit të dhjetorit prehen në varrezat e Dëshmorëve të Kombit.

Azem Hajdari, vetëm 35-vjeç, një nga politikanët më popullorë të Shqipërisë u qëllua për vdekje ndërsa po dilte nga selia e Partisë Demokratike në Tiranë.

Ai u qëllua nga njerëz të armatosur në një automjet të parkuar, përpara godinës së PD-së.

Bashkë me të, u vra edhe një truprojë e tij. Për vrasjen e ish-liderit të dhjetorit u akuzuan Jaho Mulosmani si dhe tre vëllezërit, Izet, Ismet dhe Isamedin Haxhia.

Hajdari, përfaqësuesi më i zjarrtë i të djathtës shqiptare, kishte udhëhequr studentët e Tiranës në demonstratat antikomuniste më 1990.

Azem Hajdari, “Heroi i Demokracisë” mban titullin më të lartë të Republikës së Shqipërisë “Urdhrin e Flamurit” dhe urdhrin më të lartë në Republikën e Kosovës, “Medaljen e Lartë të Lidhjes Shqiptare të Prizrenit”, të dhënë nga ish – Presidenti Ibrahim Rugova. Azem Hajdari është Qytetar Nderi i Tiranës dhe pothuajse i të gjithë bashkive dhe komunave të Republikës së Shqipërisë.

Të fundit