Flash News
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Konstituimi i grupit të dialogut PD-PS, Bylykbashi: Prioritet është Reforma Zgjedhore
Konstituohet grupi i dialogut mes opozitës dhe mazhorancës për ‘Reformat’
Tragjikomedia e AADF me Butrintin: Një i panjohur do të drejtojë bordin shkencor të fondacionit
34 kandidatë për kreun e KLSH-së, emri më i favorizuar që pritet të marrë firmën e Metës
Javën e kaluar Presidenca publikoi emrat e 34 kandidatëve të cilët kanë aplikuar për postin e kryetarit të Kontrollit të Lartë të Shtetit. “Pas kësaj faze, Institucioni i Presidentit të Republikës bën me dije se kandidati që do t’i propozohet Kuvendit të Shqipërisë për t’u zgjedhur në pozicionin kushtetues të Kryetarit të Kontrollit të Lartë të Shtetit, i përzgjedhur në përputhje me Kushtetutën dhe legjislacionin e brendshëm, do të publikohet brenda afateve ligjore”, thuhej në njoftimin e Presidencës.
Mes emrave të cilët kanë aplikuar si kandidat është ai i Anastas Angjelit, deputet i PS-së, ish-ministri i Financave, Shkëlqim Cani, juristi i Partisë Socialiste në KQZ, Erdidian Salianji, këshilltari i Presidentit, Bahri Shaqiri, ish-kreu i Prokurorisë së Tiranës, Petrit Fusha apo edhe ish-kryetarja e KQZ-së, Lefteri Luzi (Lleshi).
Sipas Kushtetutës, kandidati për kryetar të KLSH-së propozohet nga Presidenti ndërsa Kuvendi shprehet me anë të votimit.
Politiko.al, ka mësuar se deri më tani emri më i favorizuar për të marrë miratimin e Metës për postin e kreut të KLSH-së është ai i Bahri Shaqirit. Ky i fundit, aktualisht është këshilltar i Presidentit për Çështjet e Sigurisë Kombëtare ndërsa më herët ka qenë drejtuesi i Shërbimin Informativ.
Nuk dihet ende, nëse emri i Bahri Shaqirit do të marrë edhe miratimin e socialistëve, por këta të fundit, jashtë kamerave janë shprehur se do të mbështesin vetëm kandidaturën e kolegut të tyre, Anastas Angjeli. Këto qëndrime, me gjasë do të sjellin një tjetër përplasje mes mazhorancës dhe Presidentit./Politiko.al
Kandidatët
- Agron Agalliu
- Anastas Angjeli
- Albana Dhimitri
- Alba Qirjazi
- Aelita Mani
- Alfred Çako
- Bahri Shaqiri
- Bajram Lamaj
- Bajram Muçaj
- Behar Zeneli
- Bujar Stafuka
- Edmond Verçani
- Eduart Ypi
- Eridian Salianji
- Ermal Yzeiraj
- Gjergji Dhima
- Hysen Muceku
- Kestrin Katro
- Lefterie Luzi (Lleshi)
- Liljana Elmazi (Billa)
- Lumtor Shkreli
- Muhamed Kavaja
- Petrit Bushi
- Petrit Fusha
- Pëllumb Ibrahimi
- Qerim Lazaj
- Rushan Nano
- Sabri Hoxha
- Sali Shehu
- Shkëlqim Cani
- Shpëtim Ahmetaj
- Vitore Tusha
- Ylber Karanxha
- Zaim Korsi