Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

365 ditë me Politiko.al, ngjarjet e rëndësishme që raportuam për publikun

Politiko 1 Janar 2019, 19:00

365 ditë me Politiko.al, ngjarjet e rëndësishme që raportuam

2018-ta ishte një vit i ngjeshur me zhvillime, të cilat janë raportuar me kujdes në Politiko.al.

Audio përgjimi i ‘Habilajve’

Audio-përgjimet e bandës ‘Habilaj’, të publikuara më 3 janar nga Politiko.al, do të përcaktonin jo pak vitin politik në Shqipëri. Komentari shpjegues i Politiko.al për përgjimet: Gjëja e parë, e pahasur në materialet e mëparshme, është fakti se përgjimet e këtij materiali audio lënë të kuptohet qartë fakti se ish-ministri Tahiri ka patur kontakte, jo vetëm me Habilajt, por edhe me partnerët italianë të tyre. Me sa duket, ai nuk ka qenë vetëm një ‘lehtësues’ me infrastrukturë dhe influencë shtetërore, por ka zbritur edhe në ‘terren’. Kjo del qartë në bisedën e mësipërme, kur njëri prej të përgjuarve i kërkon tjetrit që të mos flasë shumë (“se mos vjen këtu ai, se i ka mbajtur numrin”).

Tryeza dhe libri për Teatrin Kombëtar

Politiko.al raportoi që në ditët e para për kundërshtinë që po tregonin aktorët dhe aktivistët e shoqërisë civile për rikthimin e planit të kryeministrit Edi Rama për shembjen e Teatrit Kombëtar në kryeqytet.

Pas disa javësh me raportime dhe intervista me aktorë dhe aktivistë, Politiko.al organizoi më 4 korrik, një tryezë të rrumbullakët për të diskutuar për këtë çështje. Të pranishëm ishin personalitete të njohura që kanë dalë hapur kundër shembjes së Teatrit Kombëtar si; akademiku Artan Fuga, pedagogu Ervin Goci, analisti Preç Zogaj, Mark Marku, Neritan Liçaj, Maks Velo, Elsa Demo, Rudi Erebara, etj.

Më 29 tetor, Politiko.al, me mbështetje të deputetit demokrat, Agron Shehaj, botoi librin “Për Teatrin, Publiken dhe Traditën e shenjtë”. Qëndrimet të akademikëve, pedagogëve, analistëve, aktivistëve e arkitektëve sa i takon Teatrit Kombëtar janë pjesë e një libri.

Reforma në drejtësi, Politiko.al në grup me ‘VOA’ dhe ‘DW’ – Sipas ISP

2018-ta ishte një vit i rëndësishëm për reformën në drejtësi, duke qenë se institucionet kryesore morën formën përfundimtare. Më 27 nëntor, Instituti i Studimeve Politike (ISP) publikoi të dhënat e siguruara nga monitorimi tre-mujor për ligjërimin politik dhe raportimit të mediave për reformën në drejtësi. Në studimin ku bëjnë pjesë 9 media online, Politiko.al klasifikohet si media me kritika objektive dhe konstruktive për reformën, së bashku me Zërin e Amerikës dhe Deutsche Welle.

Protesta e studentëve

Që prej datës 4 dhjetor dhe deri në ditën e fundit të protestës së studentëve, Politiko.al ka qenë mes tyre për të raportuar. Raportimet me foto dhe video nga vendi i ngjarjes u pasuruan me intervista dhe prononcime të shumta nga studentët protestues.

Hapësirë gjetën edhe denoncimet për plagjiaturat e pedagogëve, rektorëve, si dhe të politikanëve shqiptarë. Diskutimi për ligjin e lartë ishte rihapur që më 19 nëntor, me intervistën me ish-zv/ministrin e Arsimit, Taulant Muka, kur deklaroi se “qeveria e kishte pranuar dështimin me reformën.” Gjatë protestës, Politiko.al kontaktoi europarlamentarët Knut Fleckenstein dhe Eduard Kukan për të dhënë qëndrimet e tyre mbi çështjen. Mesazhi nga të dy, në mënyra të ndryshme, ishte i qartë.

Të kontaktuar nga gazetarët, shumë organizata dhe shoqata ndërkombëtare të arsimit dërguan mesazhet për studentët, në adresën e Politiko.al.

‘Meme’-et, studentët, Politiko

Përveç entuziasmit që krijoi te i gjithë populli, protesta e studentëve solli risinë e ‘meme’-eve. Ashtu siç shkruante Gentian Gaba në Politiko.al, më 6 gusht, kjo opozitë kishte kohë që ishte formësuar në rrjetet sociale. Duke sjellë shembullin e faqes ‘Brryli Broadway’, Gaba ndër të tjera shkruante: “Ndryshe nga sa ndodh deri më tani në vende të tjera, si për shembull në SHBA, ku memet u përdoren politikisht nga partitë për të zhvilluar propagandën e tyre; në Shqipëri janë ende një mjet me të cilin shpreht pakënaqesia e qytetarëve të indinjuar me politikanë... Impakti i madh që këto komunitete kanë në formësimin dhe sensibilizimin e opinionit publik, dhe paaftësia për t’i censuruar, i ka shndërruar ato në objektiva të sulmeve të shumta kibernetike; i tillë është edhe rasti i Brryli Broadway, faqja me emrin e lagjes kryeqytetase... Kjo nuk është vetëm një shenjë se Brryli dhe faqet e ngjashme, janë forma të reja komunikimi që do të qëndrojnë gjatë midis nesh, por që memet janë tashmë një gjë shumë serioze. Prandaj, mos luani me to!”

Multimedia Politiko

Në këtë kategori të krijuar së fundmi në median tonë, informacioni vjen ndryshe, duke vendosur në qendër personazhin. Këto punime dhe bashkëpunime të gazetarëve të Politiko.al nuk duhen humbur.

Gjatë vitit janë zhvilluar me dhjetëra intervista, janë raportuar lajme ekskluzive, reportazhe nga disa prej vendeve më mahnitëse në Shqipëri dhe Kosovë, si dhe vëzhgime dhe analiza të politikës, pa anashkaluar as pjesën "soft" të informacionit.