Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

5 podcast-et më të vlefshme për ju në kushte karantine

Politiko 30 Prill 2020, 20:00

Podcast-et po bëhen gjithnjë e më popullore çdo ditë, me një rritje të larmisë së përmbajtjes, duke i bërë ato një hobi të përshtatshëm për jetën tonë të përditshme moderne. Pavarësisht nëse pëlqejmë historinë, muzikën, librat ose jemi thjesht në ndjekje të argëtimit, këto podcast do të na ofrojnë shumë momente argëtuese për interesat dhe shijet tona. Sigurisht, podcast-et janë ideale kur dëgjohen me audio të cilësisë të lartë, për të cilat sigurisht që ju rekomandojmë kufjet wireless Samsung Galaxy Buds+

Miqësisht, Elida

Kjo është koha përfekte për t’u zhvilluar personalisht dhe profesionalisht. Kush mund t’ju udhëheqë më mirë se podcast-i shqipfolës, unik në llojin e tij, “Miqësisht, Elida”? Ekspertja e mirënjohur e konsulencës strategjike të karrierës dhe zhvillimit të biznesit, Elida Motro Iljazi, sjell përvojën e saj 25 vjeçare në një podcast të përjavshëm falas, ku do të mësoni jo vetëm si të jeni një profesionist i aftë, por edhe si të identifikoni dhe përmirësoni vlerat tuaja për të korrur sukses maksimal në jetë dhe në karrierë. Leksionet e Elidës janë autentike, dinamike dhe aktuale – nga podcast-et mbi prindërimin, komunikimin apo kreditë, e deri tek gjetja e vlerës tonë ne tregun e punës dhe planifikimi e përparimi në karrierë. Së fundmi, podcast-i është fokusuar tek sfida e punës nga shtëpia. Një mundësi e artë që nuk duhet ta humbisni, “Miqësisht, Elida” është investimi i duhur i momentit, qe do t’ju vlejë shumëfish.

Beatles City

Të pëlqen edhe historia, edhe muzika? Për 50 vjetorin e shpërbërjes së grupit më popullor në mbarë botën Beatles, ky projekt audio i realizuar nga Liverpool Echo, sjell historitë e hapave të parë të grupit dhe karrierat e suksesshme të anëtarëve të tij. Në podcast, ju mund të dëgjoni tregimet personale të qytetarëve të Liverpoolit të përfshirë në krijimin e sensacionit urban muzikor, kjo është arsyeja pse ky podcast nuk është vetëm një tjetër dokumentar i mërzitshëm. Përkundrazi, kënaquni dhe dëgjoni muzikën e këtij grupi legjendar së bashku me një podcast ndërsa kaloni kohë brenda.

Drunk Women Solving Crime

Sigurisht, një podcast në këto kohë mund të na sigurojë një burim të mirë humori! Kjo është arsyeja pse komedianët Hannah George, Catie Wilkins dhe Taylor Glenn kanë bashkuar forcat për të zgjidhur çështje të shumta krimi dhe mistere të pazgjidhura. Me shumë miq të ftuar, përfshirë Joe Lyett, Rachel Parris, Katie Mulgreë dhe Katherine Ryan, këto detektive së bashku me një gotë verë të mirë, do t'ju japin një dozë të përditshme të komedisë për të ndriçuar ditën tuaj.

What To Watch on Netflix

Shumë prej nesh përdorin mundësinë e tanishme për të eksploruar gamën e pasur të serive dhe filmave në Netflix. Sidoqoftë, të gjithë e dimë se përzgjedhja është pjesa e vështirë, kështu që ne në fakt kalojmë më shumë kohë duke zgjedhur se çfarë të shikojmë sesa duke pushuar para televizorit. Ky podcast do t'ju ofrojë rekomandime të azhurnuara të filmave me komente konstruktive, dhe kur ta gjeni përzgjedhjen interesante, pse të mos e shijoni atë në rezolutën Netflix Ultra HD në Samsung QLED TV tuaj?

Saga Harry Potter nga J.K. Rowling

Kaloni shumë kohë duke lexuar libra, dhe jeni gjithashtu një tifoz i çmendur i Harry Potter? Aktori britanik Jim Dale, me interpretimet e tij të shkëlqyera, do t’i rikthejë dëgjuesit në fëmijëri me histori epike nga Hogwarts. Kjo është arsyeja pse ky podcast, i cili ofron shumë orë argëtim, gjithashtu mund të synohet për brezat e rinj si një hyrje në botën magjike të mrekullueshme të Harry-t dhe miqve e tij, madje edhe si një praktikë e mirë për gjuhën angleze!