Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

5 truket që i bëjnë kostumet e lira të duken të shtrenjta

Politiko 19 Janar 2019, 16:51

Në rastin kur zyrat dhe kompanitë gjithnjë e më shumë kanë filluar të respektojnë kodin e veshjes, kuptohet shumë mirë që pse meshkujt nuk e kanë me aq shumë dëshirë të bëjnë harxhime të mëdha në një kostum të vetëm.

Megjithatë, është shumë në rregull që të visheni edhe me kostume të lira dhe jo domosdoshmërisht të kapni shifrën 500 (dollarë apo euro). I gjithë sekreti qëndron tek disa "mashtrime" që ju bëjnë juve të dukeni sikur jeni veshur shumë shtrenjtë.

Shmangni, për shembull, fibra sintetikë të shndritshëm, por rrini në kontakt me shitësit, të cilët tentojnë të marrin kostume të copave cilësore. Dhe gjithmonë kontrolloni seksionin e shitjes. Nuk është dhe aq e vështirë që ju të gjeni dyqane kostume dhe rroba shumë cilësore me ulje. Përtej kësaj, GQ sjell disa hile që mund t'i përdorni kur të blini kostum për ta bërë atë të duket më i bukur.

Dakord, shumë më të bukur.

Mëngët

Në një botë të përsosur ju do të jeni gati të shpenzoni rreth 150 dollarë për të rregulluar tek rrobaqepësja çdo detaj të fundit të kostumit tuaj, që të duket e bërë me porosi. Kjo përfshin edhe mëngët. Ju dëshironi një mëngë të ngushtë e të mos varet nga krahët, duke ju dhënë komoditet por edhe finesë. Këtë mund ta bëni me shumë pak lekë ne rrobaqepësinë tuaj të lagjes, e cila tashmë ia ka marrë dorën shijeve të tua dhe do të bëjë më të mirën.

Ndërroni butonat

Kostume të lira kanë tendencë të vijnë me butona plastike dhe me shumë pak shkëlqim. Gjatë kohës qe jeni tek rrobaqepësja për mëngët, kërkoni që ai ose ajo të zëvendësojë butonat me bri të vërtetë. Thjeshtë, por ia vlen.

Bëjini një palë pantallonave, në kyçin e këmbës

Rrobaqepësi nuk duhet që pantallonat tuaja t`i bëjë më 'fit' por duhet t`i kërkoni atij/asaj që të shtojë dhe një palë në fund (qepja e kthimit të pantallonave). Është një detaj që nuk e shihni shpesh në kostume të buxhetit, prandaj në mënyrë të paracaktuar duket e shtrenjtë me atë kthimin në fund.

Provoni stilin njëngjyrësh

Kur përzgjidhni këmishën dhe kravatën, këpucët janë një lëvizje moderne që kanë tendencën të bëjë që copa e kostumit tuaj të duket më fine por edhe e shtrenjtë. Këtë stil provojeni në të njëjtën ngjyrë. Bëjeni këtë me secilin kostum. Për ta bërë akoma më të bukur, përdorni dhe një çantë të thjeshtë por elegante ose një shami xhepi në xhaketën e kostumit tuaj. Por këto dy të fundit, të jenë komplet ngjyrë tjetër.

Mbylleni me një palë këpuca të shtrenjta

Të shpenzosh pak në çdo element të veshjes tuaj e bën punë e të dukurit 'perfekt' shumë të vështirë. Nëse investoni në një gjë ata janë këpucët. Bëni një blerje të guximshme në veshjen tuaj, duke shpenzuar paksa për këpucët. Nëse vërtetë dëshironi të kurseni, atëherë rrini gati uljeve por gjithmonë blini në markat më të mira.