Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

6 anëtarë të një bande që trafikonte shqiptarë për në Britani përballet me drejtësinë

Politiko 15 Gusht 2017, 12:52
6 anëtarë të një bande që trafikonte shqiptarë

Gjashtë anëtarë të një bande, që merrej me trafikimin e njerëzve nga Birmingham po përballen me drejtësinë. Dy vite më parë, dy grupe shqiptarësh u gjetën nga oficerët e kufirit në bagazhet e makinave duke tentuar të futeshin në Britani të Madhe.

Mediat britanike shkruajnë se Zyrtarët e Forcave të Kufirit ndaluan një makinë në Zonën e Kontrollit në Mbretërinë e Bashkuar në Coquelles, Francë, në mars 2015 ku gjetën dy të rritur dhe një fëmijë në bagazh. Lee Anderson, i cili po ngiste makinën dhe pasagjeri Jason Cowley u arrestuan në vendngjarje.

Kur kaluan pesë muaj, në të njëjtën zonë kontrolli të Mbretërisë së Bashkuar, oficerët gjetën dy burra shqiptarë të fshehur në bagazhin e një makine.

Edhe këtë përpjekje për trafikim, hetuesit e lidhën me rastin e tre personave që u gjetën në Birmingham.

“ITV Report” shkruan se një prej anëtarëve të bandës, shqiptari Eduart Karaj, 39 vjeç, i cili jetonte në Icknield Port Road u deklarua fajtor, pasi komplotoi për të shkelur ligjin e emigracionit të Mbretërisë së Bashkuar, duke tentuar të fusë kontrabandë një person që vinte nga një vend jashtë Bashkimit Europian.

Ndërsa dy shqiptarët e tjerët, Ilir Hani, 44 vjeç, nga Malins Road dhe Vullnet Karaj, 41 vjeç, nga Great Colemore Street, gjithashtu në Birmingham, u dënuan për të njëjtën vepër penale, pas një gjyqi pesëditor.

“Është e qartë që kjo bandë u përpoq të organizonte këto përpjekje për të trafikuar njerëz në mënyrë që të mbushnin xhepat dhe duke mos menduar për sigurinë e tyre, ku është përfshirë edhe një fëmijë, i cili është vendosur në një hapësirë aq të vogël”, tha zv/drejtori i Hetimit Penal dhe Financiar të Zbatimit të Emigracionit, David Fairclough.

“Kjo ishte një përpjekje e koordinuar nga banda, por oficerët tanë punuan pa u lodhur për të shqyrtuar provat që zbuluan ndërmarrjen e tyre kriminale”, shtoi ai.

Të fundit