Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

7 poza të jogës për një gjoks perfekt

Politiko 9 Maj 2017, 21:37

Çdokush ka mundësi të krijojë trupin e ëndrrave. Bright Side ka zbuluar disa poza efikase të jogës të cilat nuk përmirësojnë vetëm formën e gjoksit, por ju bëjnë të ndiheni edhe më të forta dhe të shëndetshme.

Poza luftëtare

Kjo pozë përveçse ju ndihmon të ndieni fuqinë, zgjeron edhe kraharorin dhe e bën atë më elastik.

Vendosni këmbët paralel me njëra tjetrën.

Përkuleni këmbën e majtë në 90 gradë, ndërsa këmbën e djathtë vendoseni brenda. Merrni frymë.

Këmba e djathtë duhet të qëndrojë drejt. Ngrini krahët dhe vendosini në vijë të drejtë me shpatullat. Kthejeni kokën në të majtë, duke parë kyçin e dorës.

Përsëriteni këtë ushtrim 7-10 herë pastaj bëni të njëjtën gjë në anën e djathtë.

Poza trekëndësh

Kjo pozë do të forcojë kraharorin, tendosë shpinën dhe përmirësojë qarkullimin e gjakut.

Mbani këmbët larg njëra tjetrës. Përkulni këmbën e majtë në 90 gradë dhe të djathtën në 15 gradë.

Prekni kyçin e majtë me dorën e majtë, më pas vendosni pëllëmbën e dorës në dysheme dhe ngrini krahun e djathtë lart në mënyrë që krahët të formojnë një vijë të drejtë.

Mbani drejt gjunjët dhe shtyllën kurrizore.

Mbani kokën lart dhe shikoni gishtat. Më pas përsëriteni ushtrimin nga ana tjetër.

Poza kobra

Kjo pozë tendos muskujt e kraharorit, forcon muskujt abdominal dhe përmirëson posturën.

Shtrihuni me bark dhe merrni frymë thellë. Ngadalë ngrini bustin, ndërsa trupin mbajeni ulur në dysheme. Balanconi këmbët me krahët.

Ngrini kokën lart dhe bëni sikur kërkoni diçka.

Merrni frymë dhe kaloni në pozicionin fillestar. Provoni ta rrisni sa më shumë kohën e këtij ushtrimi, në çdo përsëritje që bëni.

Poza hark

Kjo pozë këshillohet për të gjithë ata që kanë dhimbje të shpinës. Ajo ndihmon në tendosjen e shpinës dhe i jep gjoksit një formë të bukur.

Shtrihuni me bark, nxirrni frymën, përkulni gjunjët dhe i ngrini ato sipër kokës. Provoni t’i mbani kyçet e këmbëve me duar.

Merrni frymë përsëri dhe tërhiqni këmbët dhe krahët sa më lart të mundeni. Gjymtyrët dhe gjoksi duhet të ngrihen nga dyshemeja dhe duhet të mbani kontrollin e trupit vetëm me pjesën e barkut.

Mundohuni të qëndroni në këtë pozicion për 30 sekonda.

Poza urë

Kjo pozë ndihmon për të tendosur kraharorin, shpinën dhe qafën, dhe heq lodhjen e lehtëson dhimbjet e kokës.

Shtrihuni me shpinë, vendosni këmbët pak më lart se gjerësia e shpatullave pastaj tërhiquni për nga vithet.

Vendosni duart në tokë përballë me kokën dhe përpiquni të harkoheni sa më shumë të mundeni.

Qëndroni në këtë pozicion për 30 sekonda.

Qëndrimi drejt duke u mbështetur tek koka

Kjo pozë ndihmon për forcimin e ligamenteve dhe muskujve të shpinës e kraharorit. Ajo përmirëson frymëmarrjen dhe qarkullimin e gjakut.

Qëndroni në gjunjë dhe vendosni parakrahët në dysheme. Bashkoni duart bashkë në formë tasi dhe më pas vendosni kokën në dysheme.

Përkulni gjunjët, nxirrni frymën dhe ngrini këmbët sipër.

Tendosni këmbët drejtë dhe qëndroni në këtë pozicion për 30 sekonda deri në 2 minuta, sipas mundësisë.

Poza deve

Kjo pozë ndihmon për lehtësimin e dhimbjeve të shpinës.

Qëndroni në gjunjë dhe tërhiqni këmbët.

Ngadalë përkuluni prapa dhe vini duart tek shputat e këmbëve. Pastaj harkohuni mbrapa dhe tendosni brinjët. Koka duhet të afrohet sa më shumë me dyshemenë.

Qëndroni kështu për 30 sekonda më pas merrni pozicionin fillestar.