Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

8 kërkesat e studentëve në mbledhjen e qeverisë, Rama: Këto janë vendimet që kemi marrë

Politiko 26 Dhjetor 2018, 12:06

8 kërkesat e studentëve në mbledhjen e qeverisë, Rama:

Kryeministri Edi Rama ka prezantuar vendimet e marra në mbledhjen e qeverisë, lidhur me 8 kërkesat e studentëve, të cilët protestuan për më shumë se dy javë në Tiranë dhe në rrethe.

Në një konferencë për mediat, Rama thekson se janë shqyrtuar të gjitha kërkesat e studentëve dhe është vendosur:

“Kemi miratuar katër VKM lidhur me kërkesën e parë për përcaktimin e kategorive të individëve që përfitojnë ulje të tarifës së studimit.

Kemi ndryshuar VKM për kufirin maksimal të pagesës vjetore të shkollimit për studentët, si dhe kemi ndryshuar një tjetër vendim për përcaktimin e kategorive të individëve për kriteret e pranimit.

Studentët që vijnë nga familjet me ndihmë ekonomike, të verbrit, personat tetraplegjikë që marrin bursë studimi prej 10 mijë lekësh të reja. Studentët që kanë mesataren mbi 9 do të përfitojnë 0 tarifa studimi, dhe do të përfitojnë një bursë prej 10 mijë lekësh të reja.

Të gjithë studentëve do t’ju paguhet 50% e tarifës nga buxheti i shtetit, që do të thotë se të gjithë studentët aktualë, edhe ata me katra dhe me pesta nuk do të paguajnë për pjesën e mbetur të vitit, por do të paguajë Buxheti i Shtetit. Në vitin e ardhshëm ata që do të jenë nën mesataren 6 do të humbasin çdo mbështetje”, u shpreh Rama, i cili shtoi se elementë përmbajtjesorë të dokumentit të paktit për Universitetin të cilin do ta bëjmë publik besoj në mesin e muajit të ardhshëm.

Konviktet

Aktualisht funksionojnë 8 shoqëri për akomodimin e studentëve. Me aktin normativ të buxhetit janë 3 mln dollarë shtesë për investime në konvikte, si dhe po negociohet një projekt me vlerë 27 mln euro nga qeveria gjermane.

Ne vendosëm me VKM për granatimin e transprancës financiare të krijohet portali i transpancës dhe i trajtimit të ankesave

Bordi i administrimit

Situata përbëhet nga 7 anëtarë të punësuar me kohë të pjesshme, zgjidhen nga senati akademik dhe përfaqësues të qeverisë që zgjidhen nga ministria e Arsimit. Kanë patur profil të ulët publik.

Bordet e kanë përmirësuar menaxhimin financiar të institucionit, por nuk kanë shkuar përtej një pike të caktuar dhe studentët me të drejtë duan që bordet të jenë garant të transprancës së shpenzimeve.

Miratuam një vendim për faktimin e kritereve të anëtarëve të bordit që duhet të grantojë ministria. Anëtarët ekzistues janë de fakto të shkarkuar, de juro do jenë deri në zëvendësim. Emrëimet e reja do bëhen me një proces të hapur në sytë e publikut dhe studentëve dhe një prej tyre, përfaqësues i qeverisë do vijë si propozim i studentëve, figura të njohura të fushës, jo më pak se tre emra.

Pajisja e studentëve me kartën e studentit

Situata dihet, nga shkurti i 2018 kemi nisur një proces me KE se mendojmë se përfshirja e të rinjve në rrjetin e kartës evropiane të studentit i jep përmbajtje serioze kartës. Në nëntor 2018 lidhëm marrëveshje me institucionin e qendrës së shërbimeve arsimore në Francë për pëerfshirjen e vendit në rrjetin e vendeve që marrin kartë studentore evropiane. Procesi ka kërkuar kohë për t’u realizuar, fundi i 2019 është afati i realizimit.

Kërkesa e shtatë; libra online shqip

Miratuam ngritjes se komisionit që do përkthehen libra në gjuhën shqipe, e dimë ku fle lepuri i këtij shqetësimi, ambicia është përmirësimi i titujve akademikë. Sa i takon bibliotekës, marsi afati i fundit për bibliotekën slogane dixhitale. Studentëve u them në afat të mesëm duhet të prisni një vendim të qartë me anglishten, do jetë një nga kushtet që do përcaktojnë marrdhëniet me shtetin. Kjo do vijë më vonë se po punojmë që t'u ofrojmë të gjithëve kurse anglishte falas. Do hyjë te kushtet për të marrë mbështetje nga shteti".