Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

80 ditë nuk mjaftuan, Kurti: S'ka qeveri këtë vit, prisni të reja në janar

Politiko 29 Dhjetor 2019, 19:37
80 ditë nuk mjaftuan, Kurti: S'ka qeveri këtë vit, prisni

Kosova nuk do të ketë qeveri deri në nisjen e vitit 2020. Ky është vendimi (më saktë, fjala e fundit) i kreut të Vetëvendosjes, Albin Kurti, në lidhje me negociatat e partisë së tij me LDK-në.

Ai ka theksuar se LDK-ja ka refuzuar pozitën e Kryetarit të Kuvendit, të cilën e mori nënkryetari i Vetëvendosjes, Glauk Konjufca, pak ditë më parë, me shumicë votash në Parlament. Kurti u shfaq para mediave pas mbledhjes së Këshillit të Përgjithshëm të Vetëvendosjes, ku paralajmëroi se janari do të ketë zhvillime të reja.

"Në janar na pret arritja e marrëveshjes me LDK-në. 80 ditë nuk mjaftuan për ta arritur marrëveshjen, sepse kishte kërkesa përtej mandatit. Ne kemi marrë një mesazh të qartë në zgjedhje, që opozita e djeshme të jetë pozita e ardhshme", është shprehur Kurti.

"Ne kemi ofruar njërin nga dy postet që qytetarët na ofruan. E ofruam pozitën e kryeparlamentarit, por ajo u refuzua. Tani pres që pas konstituimit të Kuvendit, të fokusohemi në formimin e qeverisë, sepse pengesat e panevojshme nuk i duam. Nuk kemi kohë për të humbur", ka shtuar ai.

Të fundit