Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A do të hapë Elisabeta Imeraj dosjet e vjetra? Pesë çështjet që lidhen me Erion Veliajn

Politiko 1 Gusht 2018, 13:53
A do të hapë Elisabeta Imeraj dosjet e vjetra? Pesë

Elisabeta Imeraj është emëruar drejtuese e komanduar në krye të Prokurorisë së Tiranës. Ajo u bë e njohur për publikun kur u shfaq së bashku me dy prokurorë të tjerë në mbledhjen e Këshillit të Mandateve ku kërkuan heqjen e imunitetit për arrestimin e ish-ministrit të Brendshëm Saimir Tahiri.

Imeraj është prokurore e Prokurorisë së Krimeve të Rënda ndërsa ka hetuar edhe çështje të tjera të bujshme si ajo e imamëve për terrorizëm, apo edhe çështjen Shullazi.

Në prokurorinë e Tiranës, e cila tashmë do të drejtohet nga Imeraj, janë një sërë çështjesh të cilët lidhen me kryetarin e Bashkisë së Tiranës Erion Veliaj. Dosjet në fjalë janë hetuar në kohën kur Prokuroria e Tiranës drejtohej nga Petrit Fusha, por hetimet janë mbyllur.

Opozita e ka akuzuar disa herë kryebashkiakun sa ka ndërhyrë për mbylljen e hetimeve duke ju referuar edhe një fotografie ku Veliaj shfaqej me prokurorin Fusha në një prej lokaleve të Tiranës.

Ndryshimet në drejtimin e prokurorisë mund të sjellin edhe hapjen e këtyre dosjeve.

Pesë dosjet për të cilat opozita ka akuzuar Veliaj dhe që hetimet janë mbyllur.

  1. Gjoba për dëmet e protestës së ‘8 dhjetorit’ që rezultoi se firma e policit bashkiak ishte false!

  2. Ndërtimi i parkut të lojërave te liqeni!

  3. Protesta para Gjykatës së Apelit Administrative!

  4. Vrasjen e Ardit Gjoklaj në landfillin e Sharrës

  5. Hetimin për parkingun e sheshit ‘Skënderbej’.

Ndryshimet në prokurorinë e Tiranës vjen në kulmin e debatit sa i takon Teatrit Kombëtar ku opozita dhe artistët kanë denoncuar tjetërsimin e pronës publike.

Të fundit