Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

A e kruan dot shteti me 'të fortët' e Elbasanit?

Politiko 27 Shtator 2017, 17:56

A e kruan dot shteti me 'të fortët' e Elbasanit?

All - Paragraf - 1

Alfred Lela

All - Paragraf - 3

23 shtator: Qëllohet shefi Policisë në Mirditë

22 shtator: Qëllohet polici në Bathore

21 shtator: Qëllohet Policia në Tiranë

18 shtator: Qëllohet zv/Drejtori i Policisë në Elbasan

Të mësipërmet janë katër ngjarje të 'kronikës së zezë', siç quhen në gjuhën e gazetarisë lajmet që lidhen me policinë, gjykatat, prokurorinë etj. Përmbledhja e tyre në një grup duket, në shikim të parë, si diçka tendencioze. Dhe e tillë mund të jetë, pavarësisht afërsisë që 'nuk të fal' mes ngjarjeve. Në fakt, po t'i shkëpusësh dhe t'i shpërndash datat, 'episodet' e mësipërme mund të mos jenë më shumë se 'gjëra që ndodhin'. Shpeshtësia e tyre, një hark kohor prej pesë ditësh, shkakton një habi. Aq sa dhe 'spaletat e rënda' në supet e policëve të goditur në dy prej katër rasteve. Parë me këtë sy fillon dhe shfaqet e kuqja e një alarmi.

Përplasja e gangsterëve me zv/Drejtorin e Policisë së Elbasanit është më e rënda ndër ngjarjet, për faktin se përfshin një zyrtar të lartë të bluve, por jo vetëm aq. Shpalosja në media e dinamikës së ngjarjejve dëshmon se nuk kemi të bëjmë me një përplasje të thjeshtë, një diçka që mund të ndodhë në aksion e sipër (situata e përhershme: banditët që duan të ikin dhe policët që i ndjekin).

E kundërta është ky rast.

Logjika e parë që formojnë faket e bëra publike, trajta dhe sekuenca e tyre, dëshmojnë sidomos për karshillëk të botës së krimit ndaj autoritetit të shtetit.

Brenda kësaj logjike ngre kokë edhe një parehati e madhe, që shpjegon shumë për raportin dhe cilësinë e forcave të përfshira në ngjarje, policisë dhe 'të fortëve'. Situata është e kthyer kokëposhtë: nuk janë policët që ndjekin gangsterët, por e kundërta. Shteti është në ikje dhe krimi është vënë në ndjekje.

Situata e Elbasanit ku uniformat blu nuk arrijnë të impresionojnë një roje biznesi (i cili nuk ua hap portën pa 'lejen e pronarit'), na shpalos një situatë, të paprecedent në Shqipëri që nga viti 1997, kohë kur qytete të ndryshme kontrolloheshin nga bandat e armatosura. Se çfarë e bën Elbasanin një qytet jashtë kontrollit qeveritar është temë për një shkrim tjetër, por shpejt-e-shpejt mund të thuhen dy gjëra.

Së pari, spikama kundërthënëse e kryebashkiakut Sejdini (i përfolur për lidhje me elementë të dyshuar) dhe, së dyti përfaqësimi i Elbasanit dhe rrethinave në Kuvend me vota të fituara me 'grykën e pushkës' dhe 100-shen e euros.

Për policinë e gjendur në mes të këtij sanduiçi, dy janë alternativat: 'partneriteti' me 'autoritetet' e jashtëligjshme që kontrollojnë Elbasanin, ose pafuqia dhe dorëzimi përballë tyre.

Ciladoqoftë e vërteta, edhe nëse ajo gjendet diku midis, drita që bie mbi policinë nuk është blu por e zezë sterrë.

Në këtë pasiguri një gjë është e sigurt: kapitullimi i bluve nuk zgjidhet me 'policimin në komunitet'.