Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A erdhi patriarku rus në Tiranë për të lobuar kundër Ukrainës?

Politiko 30 Prill 2018, 18:41

A erdhi patriarku rus në Tiranë për të lobuar kundër

Patriarku i Kishës Ortodokse ruse, Kirili zhvilloi një vizitë dy ditore në Tiranë, e para e në histori e primatit të Kishës Ortodokse Ruse në Kishën Ortodokse të Shqipërisë. Kirili u prit me nderime nga zyrtarët më të lartë shqiptarë, të cilët përshëndetën vizitën e tij në vendin tonë.

Por pas kësaj vizite, ish-diplomati Shaban Murati hedh dyshime se qëndrojnë edhe interesa që tejkalojnë Shqipërinë dhe marrëdhëniet midis dy kishave.

Murati ka publikuar në ‘Gazetën Shqiptare’ një shkrim për përpjekjet e Kishës Ortodokse Ukrainase për t’u shkëputur nga ndikimi i Kishës ruse dhe të fitojë autoqefalinë e saj. Më 22 prill, Patriarkane Panbotërore e Stambollit njoftoi fillimin e procedurës për krijimin e Kishës Autoqefale Ortodokse në territorin e Ukrainës.

Agjencia ruse “Rianovosti” shkruante në 23 prill se kisha ortodokse ruse është kundër këtij vendimi të Sinodit të Shenjtë të Patriarkanës së Stambollit. Kundërshtimin zyrtar ndaj autoqefalisë së kishës ortodokse ukrainase e përsëriti në 19 prill, në emër të kishës ortodokse ruse, drejtori i departamentit të lidhjeve të jashtme të kishës së Patriarkanës së Moskës, mitropoliti Hilarion, i cili deklaroi se “as Patriarkana e Kostandinopojës, as ndonjë kishë tjetër, nuk mundet njëanshmërisht të deklarojë autoqefalinë e kësaj apo asaj kishe”.

Ish-diplomati shqiptar thekson se politika në Moskë e përdor kishën si një mjet të rëndësishëm në politikën e jashtme dhe përpiqet të mbajë në kontroll të gjitha kishat në shtetet e krijuara pas shpërbërjes së Bashkimit Sovjetik.

Në shkrimin e tij, Murati i bën thirrje kryepeshkopit të Shqipërisë, Anastas Janullatos, që të mbështesë kërkesën e kishës ukrainase për të fituar autoqefalinë.

“Patriarkana Panbotërore e Stambollit ka bërë të ditur se ajo do të konsultohet edhe me kishat e tjera kombëtare lidhur me autoqefalinë e kishës ortodokse ukrainase. Është rasti për të theksuar këtu se do të ishte në nderin e kishës ortodokse autoqefale të Shqipërisë që të mbështesë kërkesën e kishës ukrainase për autoqefalinë. Kisha ortodokse autoqefale shqiptare ka një histori të ngjashme dhe të mundimshme për realizimin e autoqefalisë së saj, njësoj si kisha ukrainase. Kisha ortodokse shqiptare, për të drejtën e autoqefalisë së vet ka kaluar nëpër të njëjtin kalvar të dhimbshëm pengesash nga njëra apo tjetra kishë e shteteve fqinjë, të cilat zbatonin skenarë shtetërorë kontrolli e varësie për Shqipërinë dhe për kishën shqiptare. Kisha shqiptare ka vuajtur, siç po vuan kisha ukrainase nga kisha ruse apo kisha malazeze nga kisha serbe. Ndaj do të ishte në respekt të parimeve, të moralit dhe të së drejtës së madhe, që kisha ortodokse autoqefale e Shqipërisë të mbështesë kërkesën për autoqefali të kishës ortodokse të Ukrainës”, shkruan Shaban Murati.