Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A është e rrezikuar siguria e Shqipërisë nga Irani?

Politiko 10 Janar 2020, 11:26
A është e rrezikuar siguria e Shqipërisë nga Irani?

Pas përshkallëzimit të konfliktit SHBA-Iran, edhe Shqipëria është ndjerë e kërcënuar në mënyrë indirekte.

Pasi Irani sulmoi dy baza ushtarake të SHBA në Irak, vetë lideri suprem i  Iranit, Ajatollah Khomeini përmendi (jo me emër konkret) Shqipërinë si një vend të vogël dhe të ligë evropian që strehon muxhahedinët.

Por, sa e kërcënuar është Shqipëria pas këtij kërcënimi?

Deutsche Welle shkruan se siguria e Shqipërisë shfaqet  potencialisht  jo e pacenueshme në kuadrin e konfliktit  SHBA – Iran, nisur edhe nga strehimi i 3200 muxhahedinëve në periferi të Tiranës, armiq të betuar të qeverisë iraniane është një faktor potencial që e përfshin Shqipërinë jo drejtpërsëdrejti  në këtë konflikt.

Sipas DË, strehimin e 3200 muxhahedinëve në Shqipëri kryeministri Rama e vlerësoi „një veprim që i bën nder Shqipërisë dhe është në vazhdën e traditës shqiptare." „Kemi marrë përsipër një risk që të strehojmë 3 mijë muxhahedinë. Jam shumë krenar që ky risk është marrë në mënyrë bipartizane. Politika shqiptare ka bërë këtë hap me një bindje të unifikuar në funksion të një aleance strategjike të padiskutueshme me SHBA, Kjo nuk ekspozon në mënyrë të posaçme Shqipërinë" tha Rama në Vjenë.

Ai solli në vëmendje Artikullin 5 të NATOs, thelbi i të cilit është se sulmi ndaj një anëtari të NATOs është sulm ndaj gjithë Aleancës Atlantike.  "Jemi në duar të sigurta. Shqipëria është anëtare e NATO-s dhe çdo sulm mbi vendin tonë është sulm mbi NATO-n" theksoi Rama.

Shqipëria - Vigjilencë ndaj sulmeve kibernetike iraniane

Tentiva e Iranit për të cënuar sigurinë kombëtare të Shqipërisë është e provuar  tanimë. Në dhjetor 2018 qeveria Rama shpalli „persona non  grata" ambasadorin e Iranit në Tiranë dhe e dëboi atë bashkë me një diplomat tjetër të ambasadës iraniane në Shqipëri për shkak „të tentimit të sulmeve terroriste në  Shqipëri", veprim që u përgëzua nga SHBA.

Në një takim të zhvilluar ditët e fundit në Tiranë, të organizuar nga „Qendra për Sigurinë në Europën Jug-Lindore"  gjenerali amerikan Michael Barbero, pjesëmarrës në këtë takim tha se ҫdo aleat i SHBA mund të shikohet si një shënjestër nga Irani. Për këtë vigjilenca është mjaft e rëndësishme veçanërisht në fushën kibernetike, pasi Irani ka disa aftësi mjaft të sofistikuara për sulmet kibernetike.

Të fundit