Flash News
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Nën hetim për trafik k*kaine, SPAK sekuestron pasuritë e Princ Dobroshit dhe Olsi Syziut
Atentat në Memaliaj, qëllohet me breshëri arme avokati
Posta e mëngjesit/ Me 2 rreshta: Çfarë pati rëndësi dje në Shqipëri
Alfred Lela
‘Lotomania’, portalet dhe ‘shpifjet’ duket se janë armiqtë apo ‘reformat’ e radhës të kryeministrit Rama. Nuk mund të kundërshtosh aspak faktin se, sidomos e para, por edhe të dytat, janë pucrra në trupin e një shoqërie, e cila vuan nga shumë plagë të tjera dhe ia lejon vetes pyetjen ‘a janë portalet informative dhe skendinat sportive, shfaqje të informalitetit dhe parazitizmit, problemet e problemeve tona?”.
Secili e krijon raportin me këtë nismë të Kryeministrit sipas botëkuptimit apo emocionit të vet, por ia vlen të vërehen apo të dyshohen qëllimet e mundshme të z. Rama. Një dyshim i arsyeshëm është se ai, duke përdour një teknikë të vjetër të komunikimit publik, kërkon të krijojë një shtjellë të re debati që do t’i mbivendoset debateve të tjera të cilat nuk i interesojnë fare qeverisë.
Sidomos një prej debateve që po e sundon axhendën është përfshirja (ose jo) e nr. 2 të Partisë Socialiste, Taulant Balla, në një varg skandalesh të denoncuara prej opozitës. ‘Cështja Rraja’ thuajse i kaloi harrimit, një vorbull mbi të cilën ngrihej koka katrore e kreut të kuvendarëve socialistë, dhe një tjetër u rishfaq si bermudë triangolare, ‘cështja Xhafaj’. Tani, pyetja nuk është më ‘a ka faj Agroni, vëllai i ministrit?’ pasi kjo u konsumua nga fakti i burgimit në Itali, por ‘kush e luante Agronin, apo luante ai veten?’, në një audiopërgjim dramatik të cilit asnjë ekspertizë nuk po ia nxjerr dot fundin.
Po kaq i arsyeshëm duket edhe supozimi tjetër, sipas të cilit, si me bastet ashtu dhe me portalet Kryeministri po përpiqet të pastrojë fushën për qëllimet e veta, të cilat duken të jenë politike dhe ekonomike. Ndërkohë që kryen një ‘spastrim popullor’, të propozuar njëherë që në fllim të qeverisjes nën logon ‘marrëzia e fundit’, ekzigjencat e brendshme në kuadratet qeverisëse themelojnë një monopol onine të basteve duke i përqendruar fitimet në një dorë (miqësore). Dy zogj me një gur nuk janë pak, sidomos për një qeveri zogjtë e së cilës bien si të damllosur, që nga ‘zogu ma i mirë prej krejtve’, Tahiri ‘kampion i qeverisë’ Rama 1. Përvec opozitës, një denoncues i palodhur dhe grindavec i skandaleve qeveritare janë edhe portalet, media të reja të cilat zotërohen kryesisht nga gazetarë ‘të rënë nga hiri’ me botues mediash të vjetra të lidhur ngushtë me qeverinë dhe interesat e tyre, të cilat askund nuk takohen me të publikut.
Ligji i shpifjes është një kremtim hipokrit i një statusi të pandehur të vetes nga ana e qeverisë, puritanizmi. Po agjensitë joqeveritare, si psh portalet, kush i mbron nga shpifja? Si në rastin e listës së AKEP-it, ku ishin rrasur me metodologjinë ‘I njomi me të thatin’ portale ndërkohë të regjistruara apo dhe ato me domain dhe që paguajnë taksat në Kosovë. Në përpjekjen anti-shpifje agjensitë qeveritare prodhuan një listë plot shpifje, ashtu të calë si vetë institucionet tona, apo dhe nismat e yryshit për ta rregulluar Shqipërinë duke ua nisur punëve nga bishti.
Rama mund t’i ketë të mira idetë, por ato dekonspirohen brutalisht nga konteksti i ngjarjeve dhe zhvillimeve, por edhe nga koha, edhe pse paraqiten të veshura me petkun e rëndë të ‘reformave’ ndërkohë që janë vetëm grimasa.