Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

A je ‘skllav i mirë’?

Politiko 11 Qershor 2018, 15:54
A je ‘skllav i mirë’?

Dritan Shano

"Skllav i mirë" është ai, të cilit i ke mundësuar një të ardhur/pozicion të mirë – shpesh më të mirë sesa e meriton, i cili e di këtë gjë, dhe që është i terrorizuar nga ideja se mund ta humbasë këtë pozicion”. Ky është parimi kryesor me të cilin zgjidhen njerëzit për të ndërtuar grupet parlamentare dhe qeveritë në Shqipëri. Dhe çdo strukturë tjetër politike, ekonomike apo shoqërore, ku është e mundur një vertikale hierarkike e pushtetit.

Prandaj i kemi punët fjollë në çdo gjë e në çdo drejtim. Një parim mesjetar, despotik, aspak formal, por dominues në kulturën tonë - që nga qumështi i gjirit e deri në mbylljen e syve për atëbotë - të cilin nuk bëjmë asgjë ta shkulim, përkundrazi e forcojmë edhe aty ky nuk duhet. Sapo vertikalja e pushtetit pjerret sadopak për shkak të rrethanave, rendim ta drejtojmë dhe ta rivendosim në këndin 90 gradë, me shpresën se do jemi ne që do përfitojmë të parët prej saj.

Në fakt, kjo sjellje na bën të gjithëve "skllevër të lirë", por jo domosdoshmërisht "skllevër të mirë". Këta të fundit, shquhen nga të tjerët nga pozita dhe komforti që kanë, pasi përmbushin më mirë ato karakteristikat që përkufizuam më lart. Kështu që, në shumicën dërrmuese të rasteve, suksesi ose jo, që ke patur ose ke personalisht në politikë apo në vertikale të tjera, së sotmi, më shumë se për merita apo kompetenca që mendon se ke, është në fakt përgjigjja e sinqertë ndaj pyetjes së thjeshtë:

A je skllav i mirë?

Të fundit