Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

A ndikon veshja në suksesin tuaj? Çfarë thonë studimet

Politiko 16 Qershor 2018, 15:28
A ndikon veshja në suksesin tuaj? Çfarë thonë studimet

Wall Street Journal shkruan se mënyra se si visheni në punë ka një vlerë të veçantë. Studimet tregojnë se mënyra se si visheni ndikon në mënyrën se si njerëzit ju vlerësojnë, sa vetëbesim keni dhe sa i aftë jeni për të menduar në mënyrë abstrakte.

Në një studim të kryer në Yale në vitin 2014, u përzgjodhën 128 burra nga mosha 18 deri në 32, të cilët duhet të bënin negociata për shitjet dhe blerjet.

Ata që ishin veshur keq (tuta dhe sandale plastike) morën një përfitim prej 680,000 dollarësh, ndërkohë grupi i veshur me kostume grumbulloi 2.1 milionë dollarë. Grupi i veshur thjesht mori një përfitim mesatarisht prej 1.58 milionë dollarësh, shkruan Business Mag Alb.  Në një studim tjetër, pjesëmarrësit e veshur mirë ishin më të angazhuar te qëllimi, duke i menduar gjërat si një CEO, ndërkohë që ata të veshur jo-mirë shqetësoheshin vetëm për detajet e vogla.

“Njerëzit që vishen mirë ndihen më të fuqishëm,” thotë Michael L. Slepian, bashkautor i studimit dhe asistent pedagogu në Shkollën e Biznesit të Kolumbisë. “Kur ndihesh më i fuqishëm, ti nuk fokusohesh në detaje.”

Si ju duket kjo këshillë për stilin tuaj të përditshëm? Në kodin e sotëm të veshjes së zyrës, paraqitja e jashtme mund të ketë një efekt edhe më të madh.

Por sigurohuni që të ndiqni rregullin “plus ose minus një” për veshjen në kompani. Për shembull, në qoftë se shumica e njerëzve në zyrë veshin këmisha serioze, ju mund të vendosni një xhaketë sportive. Nëse shumica e njerëzve veshin xhaketë dhe xhinse, ju mund të vishni një kostum. Dhe kështu me radhë.

Të fundit