Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Abuzuan me çmimet, 6 farmaci në “rrjetën” e Tatimeve

Politiko 14 Mars 2020, 20:25
Abuzuan me çmimet, 6 farmaci në “rrjetën” e

Ministria e Financave njoftoi të shtunën pasdite se ka regjistruar 75 ankesa denoncime nga qytetarët në lidhje me abuzuesit e çmimeve. Nga denoncimet e bëra në numrin pa pagesë 0800 14 14, të paktën 7 denoncime kanë qenë njësi tregare fruta-perime ndërsa 6 janë farmaci, ndaj të cilave janë bërë verifikimet përkatëse, thotë DPT.

“Është koha që të gjithë të bashkëpunojmë dhe solidarizohemi për të përballuar këtë situatë të vështirë, jo për të abuzuar. Falenderojmë të gjithë qytetarët për bashkëpunimin e deritanishëm, ku vetëm sot janë regjistruar 75 denoncime. Në vijim të tyre DPT ka verifikuar 13 raste me shkelje të legjislacionit tatimor, nga të cilat 6 farmaci dhe 7 njësi tregtare fruta-perime. Gjatë verifikimeve janë evidentuar çmimet e shitjeve dhe të blerjeve, duke i kaluar për ndjekje të mëtejshme të organeve kopetente në rast rritjesh artificiale të tyre”, thuhet në njoftim.

Ndërkohë, ministria e Financave njofton se prej të dielës do të jetë në terren Task Forca, për të verifikuar abuzimet. “Ndërkohë që nga nesër në qytetet kryesore të vendit do të jenë në terren Task Forca, me prezencën e Tatimeve, Policisë, Agjensia Kombëtare e Barnave dhe AKU-së. Inkurajojmë të gjithë qytetarët të vijojnë denoncimin e rasteve abuzive dhe këshillojmë, që asnjëri të mos largohet nga njësitë tregtare pa marrë kuponin tatimor dhe të sigurohet që përshkrimi në kuponin tatimor është i njëjtë me mallin e marrë”, thuhet në njoftim.

Të fundit