Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Desktop - General - 1

KRYESORE

AFP: Kushërinjtë 'e papërshtatshëm' të Saimir Tahirit

Politiko 25 Nëntor 2017, 21:28

AFP: Kushërinjtë 'e papërshtatshëm' të Saimir

All - Paragraf - 1

Tiranë - Një investigim mbi ish ministrin e Brendshëm të Shqipërisë dhe akuzat për lidhjet e tij me trafikun ndërkombëtar të kanabisit janë të papërshtatshme për vendin ballkanik që kërkon të bashkohet me BE-në.

All - Paragraf - 3

Një vend kandidat për antarësim që nga viti 2014, Shqipëria synon të bindë Brukselin për të hapur negociatat në fillim të vitit të ardhshëm.

Por, skandali që përfshin Saimir Tahirin, 38 vjeç, ministër i Brendshëm deri në mars, dhe një aleat i ngushtë i kryeministrit socialist Edi Rama, e ka detyruara vendin të mbrohet nga historia e trafikut të drogës.

“Shqipëria ka një problem me lidhjen midis grupeve kriminale dhe politikanëve”, tha ambasadori i SHBA në Shqipëri në fillim të këtij muaj.

“Ky nuk është problem vetëm i një partie”, tha ai.

Sinqeriteti i ambasadorit amerikan është në kontrast me heshtjen e kujdesshme të ambasadave europiane që kanë mbështetur Ramën që kur ai mori mandatin në vitin 2013.

Në një letër të hapur për liderët europianë, Rama mbrojti arritjet e tij.

“Shqipëria nuk është më kryeqyteti europian i kanabisit, siç e quajnë disa media”, tha ai.

Por, lideri i djathtë i opozitës, Lulzim Basha tha se”kemi një qeveri të përbërë nga trafikantë droge që duhet të bjerë dhe t’i japë hapësirë një qeverie anti-mafia”.

Ata pretendojnë se Partia Socialiste e Ramës e ka kthyer Shqipërinë në “Kolumbinë e Europës”.

Kushërinjtë e papërshtatshëm

Rama u kundërpërgjigj se ishte qeveria e tij ajo që shkatërroi “mbretërinë e kanabisit”, një rrjet trafiku në fshatin e Lazaratit, për të cilin ai pretendon se e djathta e ka injoruar kur ishte në pushtet.

Megjithatë, gjashtë muaj pas triumfit elektoral në zgjedhjet parlamentare, kryeministri duket më i brishtë.

Skandali shpërtheu në mes të tetorit, pas arrestimit të një trafikanti shqiptar në Itali.

Gazetat lokale më vonë zbuluan ekzistencën e bisedave të përgjuara që duket se kompromentojnë Tahirin.

“Dy kriminelët, kushërinjtë e mi të 10-të, të arrestuar për trafik droge, përmendën emrin tim” , tha Tahiri në televizion, duke mbrojtur veten.

“Kriminelët për t’iu mburrur njëri-tjetrit, citojnë emrin e një ministri në veçanti duke e përfshirë në punët e tyre të pista”.

Ai tha se “gabimi i vetëm” i tij ishte shitja e një makine pa kontrolluar kredencialet e pronarëve të rinj, të cilët dyshohet se e përdorën atë për trafikim.

Por, gjyqësori shqiptar, i konsideruar thellë si i korruptuar, i kërkoi prokurorëve heqjen e imunitetit parlamentar të Tahirit për ta arrestuar atë.

Shumica parlamentare socialiste e hodhi poshtë kërkesën.

Rama këmbëngul se nuk po mbron aleatin e tij politik, i cili u pezullua nga socialistët.

“Nëse akuzat kundër Tahirit do të provohen, unë do të duartrokas drejtësinë”.

“Nuk ka prova”, kundër Tahirit, tha Ministri i Brendshëm Fatmir Xhafaj.

“Disa segmente të prokurorisë lejohen të përdoren politikisht për t’i shërbyer interesave të mirëpërcaktuara politike”.

“Mazhoranca kërkon me çdo çmim që hetimet të dështojnë, të mbulojë provat dhe të frikësojë dëshmitarët”, ka akuzuar Basha.

Rënia e prodhimit?

Për vite Shqipëria ka qenë eksportuesi më i madh i kanabisit drej BE-së, veçanërisht Italisë, sipas raporteve të Europol-it.

Tregtia do të gjeneronte një të tretën e PBB-së ose më shumë, sipas vlerësimeve të burimeve diplomatike perëndimore.

Në raport-progresin e fundit, Brukseli thekson se autoritetet kanë “dështuar në identifikimin e grupeve kriminale”.

Kultivuesit e vegjël ndiqen rregullisht nga drejtësia, por ‘lord-ët e drogës” kurrë.

Vetëm 20 oficerë policie, tre prej të cilëve përballen me një urdhër arresti të lëshuar të mërkurën, u akuzuan për korrupsion të lidhur me trafikimin e kanabisit.

Tahiri është zyrtari i parë i lartë që po hetohet.

Kohët e fundit qeveria paraqiti një plan “kundër krimit të organizuar dhe në veçanti, kundër lidhjeve midis krimit dhe zyrtarëve të lartë ose udhëheqësve të lartë”.

“Unë jam shumë i vetëdijshëm se disa njerëz, nëse përmendni Shqipërinë, mendojnë për krimin dhe drogën”, shkruan Rama në letrën e hapur të publikuar në Financial Times.

“Për vite me radhë e etiketuar si kryeqyteti Europian i kanabisit, Shqipërisë i ka ardhur në majë të hundës dhe ka vendosur të luftojë".

Këtë vit, 88 plantacione u identifikuan dhe shkatërruan krahasuar me 2,086 në vitin 2016, tha Rama, gjë që tregon një kolaps të prodhimit.

Kanabisi shqiptar është një “problem europian”, tha kryeministri i cili po bënë apel për ndihmë nga bashkësia ndërkombëtare.