Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Agron Shehaj: Arkiva on-line e krimeve të komunizmit, kontribut jo vetëm për kujtesën por edhe për brezat e ardhshëm

Politiko 16 Korrik 2018, 13:04

Agron Shehaj: Arkiva on-line e krimeve të komunizmit, kontribut jo

Krimet e komunizmit do të jenë tashmë të publikuara në një arkivë-online të quajtur ‘kujto.al’ në konferencën “Zbardhja e krimeve të komunizmit në epokën dixhitale”, të mbajtur sot në Tiranë, deputeti Agron Shehaj, njëherazi ideatori dhe mbështetësi i kësaj ideje, tha se ky është nj kontribut jo vetëm për kujtesën por edhe për brezat e ardhshëm për t’u njohur me atë se çfarë ka ndodhur gjatë regjimit komunist.

“Arkiva on-line e krimeve të komunizmit nuk është një kontribut vetëm për kujtesën, është një mënyrë për ti njohur shqiptarëve të drejtën për të ditur çfarë ka ndodhur gjatë regjimit komunist. Kjo nuk i takon vetëm viktimave, apo të afërmeve të viktimave të dinë se çfarë ka ndodhur por i intereson dhe është e drejtë e të gjithë shqiptarëve që të dinë se çfarë ka ndodhur. Të njihen me krimet e komunizmit, u takon atyre por u takon sidomos edhe brezave të ardhshëm dhe kjo është një gjë shumë e rëndësishme

Dhe ky është një nga synime që ne kërkojmë. Të krijojmë një arkivë on line sa më të kompletuar, sa më objektive, sa më të aksesueshme nga të gjithë, që njerëzit të kenë mundësi të dinë se çfarë ka ndodhur”, tha Shehaj.

Më tej, deputeti i PD-së tha se tha se deri më tani është bërë shumë pak sa i takon zbardhjen e krimeve të komunizimit.

“Nuk do doja, që, këtë gjë ta bënim ne në mënyrë private jam i mendimit se është bërë shumë pak dhe vazhdon të jetë pak sa është bërë për zbardhjen dhe e vetmja mënyrë të për zbardhur krimet e komunizmit është hapja e dosjeve.

Çfarë kemi bërë ne në gjashtë muaj, një grup të rinjsh, kemi hedhur on-line, të aksesueshme nga të gjithë mbi 44 mijë profile të ndarë midis të ekzekutuar, të dënuar, të burgosur, të internuar. Kështu që imagjino çfarë mund të bëjë një shtet që ka arkivat. Pse arkivat nuk publikojën on-line? Do ishte elementare, do ti jepte çdo mundësi qytetarit të vendoste në një sistem on-line, emër-mbiemër dhe në mënyrë automatike të shfaqen të gjitha dokumentat ku ai emër dhe mbiemër përmendet.

Në qoftë se e lidhim trajtimin e regjimit komunist, sot nga autoritetet, nga qeveria, nga institucionet shqiptare, krimet e regjimit komunist po trajtohen nëpërmjet është një mënyrë për të fshehur realitetin dhe për ta mbuluar.

Unë nuk kuptoj se çfarë ka, apo cili është elementi artistik në ekzekutimet apo në burgosjen apo internimet e mbi 50 mijë shqiptarëve. Ku e gjejnë pjesën artistike? Psh ‘Shtëpia e Gjetheve’ është ciceron një që ka qenë punonjës i sigurimit të shtetit

Unë mendoj se ka ardhur momenti që ne të bëjmë aq sa mundemi, kuptohet se kjo është një iniciativë që është shumë pak me punën e madhe që nevojitet. Kemi një numër të madh njerëzisht që janë ekzekutuar, nuk dihet si janë vrarë, ku janë varrosur

Teknologjia vërtet na jep mundësinë që të përfshimë gjithë mbledhjen e informacionit”, theksoi Shehaj.