Një person ka humbur jetën si pasojë e një aksidenti automobilistik sot në orët e para të mëngjesit.
Ngjarja ka ndodhur në rrugën Pogradec-Korçë, në fshatin Gështenjas, e për pasojë u përplas teksa po kalonte rrugën, nga një makinë Z.L, 89 vjeç, i cili humbi jetën menjëherë.
Pas ngjarjes, policia shoqëroi drejtuesin e mjetit.
“Më datë 22.09.2019, rreth orës 04.00, në rrugën Pogradec-Korçë, në fshatin Gështenjas, shtetasi A.Sh, 35 vjeç, banues në Tiranë, duke drejtuar mjetin tip “Opel”, ka aksidentuar shtetasin Z.L, 89 vjeç, banues në fshatin Vërdovë, këmbësor në rrugë, i cili për pasojë ka gjetur vdekjen. Drejtuesi i mjetit ndodhet i shoqëruar në ambientet e Komisariat, ku po kryhen veprimet e mëtejshme proceduriale. Grupi Hetimor, po punon për sqarimin e rrethanave të ngjarjes”, sqaron policia.
Discussion about this post