Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Aksioni i bashkisë, bllokohen dy pika të tjera karburantesh në Tiranë

Politiko 11 Gusht 2017, 14:24
Aksioni i bashkisë, bllokohen dy pika të tjera karburantesh në

Aksioni për bllokimin e pikave të karburantit që ushtrojnë aktivitetin e tyre pa licencën përkatëse nga Bashkia e Tiranës ka vijuar edhe gjatë ditës së sotme. Ashtu si dje, edhe sot janë kontrolluar pikat e tregtimit me pakicë të karburanteve, gazit të lëngshëm të naftës dhe vajrave lubrifikante që nuk disponojnë licencë apo që kanë pasur mangësi në dokumentacion.

Që në orët e para të mëngjesit, institucionet e Bashkisë së Tiranës kanë bllokuar dy pika që tregtojnë karburant në zonën e Zogut të Zi (Gazheli Oil dhe AC Oil), ndërkohë që gjatë gjithë ditës vijoi puna për kontrollin dhe bllokimin e të gjitha pikave të tregtimit me pakicë të karburanteve, deri në pajisjen e tyre me dokumentacionin përkatës dhe shlyerjen e detyrimeve të taksave të parashikuara nga aktet ligjore e nënligjore.

Aksioni i Bashkisë së Tiranës ka dhënë rezultatet e para pozitive, ku një pjesë e bizneseve të mëdha të tregtimit të karburanteve me pakicë kanë nisur pagesat dhe kanë filluar procesin e plotësimit të dokumentacionit për t’u pajisur me licencë, sipas legjislacionit në fuqi.

Aktualisht, në qytetin e Tiranës e ushtrojnë këtë aktivitet 173 subjekte të palicencuara, të cilat në rast të mospajisjes me licencën përkatëse ose nëse do të tentojnë që të ushtrojnë aktivitetin e tyre në rrugët kryesore urbane, duke formuar xhepa për makinat, në kundërshtim me ligjin dhe pa lejet përkatëse, do të bllokohen menjëherë nga ana e Bashkisë së Tiranës.

Bllokimi i karburanteve, Veliaj e nis nga pika që ofron çmimin më të ulët dhe që Berisha e akuzoi për lidhje me Shullazin

“Ferri” i trafikut te diga e liqenit dhe Komuna e Parisit, ja sa herë e ka premtuar Veliaj përfundimin e ‘Unazës së Re’

Të fundit