Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Akuzat për kontratat e lobimit, reagon Lulzim Basha: Dëshiroj të sqaroj një herë e mirë disa gjëra

Politiko 9 Mars 2018, 14:33
Akuzat për kontratat e lobimit, reagon Lulzim Basha: Dëshiroj të

Kreu i PD-së, Lulzim Basha ka reaguar pas disa deklaratave nga selia rozë dhe nga vetë kryeministri Edi Rama, ku ai akuzohet për lidhje me disa kompani ruse që veprojnë në SHBA dhe që e kanë ndihmuar në lobimin në këtë shtet.

Basha thekson se për hir të opinionit publik dëshiron të sqarojë një herë e mirë disa gjëra lidhur me këtë çështje.

Kryeopozitari thekson se akuza që PD ka marrë para prej rusëve është një konspiracion i kryeministrit Rama në vazhdën e qëndrimeve anti-Trump. Ai shprehet gjithashtu se PD nuk ka shkelur asnjë ligj për kontratat e lidhura me kompanitë amerikane dhe se ka dorëzuar të gjitha dokumentat në Prokurorinë e Shqipërisë.

Basha kërkon nga Rama që të japë shpjegime për lidhjet e tij me kompaninë ruse “Gunvor” dhe kompaninë që do të ndërtojë aeroporin e Vlorës.

Kreu i PD-së është bindur se kjo propagandë e Ramës bëhet për të larguar vëmendjen nga disa çështje që kërcënojnë sigurinë kombëtare si kokaina në Xibrakë dhe Maminas apo skandali i ish-ministrit të Brendshëm, Saimir Tahiri.

Reagimi:

Për hir të opinionit publik dëshiroj të sqaroj një herë e mirë disa gjëra:

  1. Akuza që Partia Demokratike ka marrë para prej rusëve për të bërë konspiracion së bashku me Presidentin Trump kundër Edi Ramës është një akuzë qesharake, që vetëm një mendje megallomane si Edi Rama mund ta gatuajë. Këto akuza janë në vazhdën e qëndrimeve anti-Trump dhe anti-administratës Trump nga Edi Rama.

  2. Partia Demokratike nuk ka shkelur asnjë ligj dhe nuk ka asnjë lidhje direkte dhe indirekte me asnjë individ, organizatë, kompani apo interes rus.

  3. Dje e akuzova publikisht Edi Ramën për lidhje të errëta me kompaninë ruse Gunvor, por ai sot nuk u përgjigj, duke gatuar një tjetër sallatë ruse, si ajo e Mother Jones, për të fshehur të vërtetat. Nëse ka rrezik rus në Shqipëri, ai vjen përmes Ramës kryeministër! Jo vetëm sepse si njeri i zhytur në krim, ai është lehtësisht i shantazhueshëm nga kushdo, por sepse ai, konkretisht, ka mirëpritur ndikimin rus! Edi Rama duhet të sqarojë publikisht se kush ia solli, çfarë ka biseduar dhe çfarë i ka premtuar kompanisë Gunvor, me të cilën është takuar të paktën një herë në zyrën e tij në Tiranë. Ai duhet të sqarojë, gjithashtu ,se pse mbështet tezën e përkrahur edhe nga Rusia për shkëmbim territori midis Shqipërisë dhe Serbisë. Rama duhet të sqarojë gjithashtu aferën me kompaninë turke që do të ndërtojë aeroportin e Vlorës, kompani e cila ka kontratë me kompani shtetërore ruse për ndërtim centralesh bërthamore.

  4. Për kontrata e lobimit të Partisë Demokratike ne i kemi kërkuar prokurorisë shqiptare të kryejë cdo verifikim dhe i kemi dhënë prokurorisë të dokument. Për të ruajtur të njëjtin standard dhe për t’i shërbyer drejtësisë, ftoj publikisht prokurorinë shqiptare të fillojë hetimin e burimit dhe mënyrës si Edi Rama, në konspiracion me të tjerë, shkeli ligjet amerikane duke futur para të huaj në fushatën presidenciale Obama. Për këtë çështje ka një vendim të formës së prerë të drejtësisë amerikane që ka vertetuar faktin dhe krimin, prandaj prokuroria shqiptare e ka të lehtë ta hetojë këtë çështje.

  5. Edi Rama ka disa javë që po përpiqet të pushojë hetimet për Saimir Tahirin. Prandaj, fushata e sulmeve, përmes mercenarëve me pagesë, ka për qëllim largimin e vëmendjes së opinionit publik nga droga dhe krimi. Cështjet e drogës si “Xibraka”, Maminasi, Saimir Tahiri janë çështje me rëndësi kombëtare, të cilat nuk duhet lejuar që të mbulohen me mjegullën e propagandës qeveritare, sepse rreziku kryesor për destabilizimin e Shqipërisë është droga dhe krimi. Prandaj, lufta ndaj drogës, krimit dhe lidhjeve të tytre me politikën është prioritet kombëtar.

Lobimi i PD në SHBA, ish-ministri i Ramës tregon motivin: Pse lajmi doli tani dhe jo më parë

Shkrimi i Politiko.al, reagon ‘Mother Jones’: Kemi marrë para nga George Soros, por jo aq sa pretendohet

Të fundit