Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Aleanca për Mbrojtjen e Teatrit përshëndet vendimin e Presidentit: Kjo luftë nuk mbaron këtu!

Politiko 27 Korrik 2018, 18:04

Aleanca për Mbrojtjen e Teatrit përshëndet vendimin e

Aleanca për Mbrojtjen e Teatrit ka përshëndetur vendimin e Presidentit për të mos e dekretuar ligjin që parashikon shembjen e godinës së Teatrit Kombëtar.

Në një deklaratë për mediat, Aleanca thotë se problemi i Teatrit nuk ishte thjesht një problem i trashëgimisë kulturore pasi ligji special ishte një shkelje e rëndë e parimeve kushtetuese, e barazisë para ligjit dhe ndarjes së pushteteve, e konventave ndërkombëtare, dhe e legjislacionit aktual.

“Ne jemi të qartë që kjo luftë nuk mbaron këtu! Përpjekjet e Qeverisë për të mos ju përgjigjur shkeljeve të rënda të ligjit vazhdojnë edhe sot. Megjithëse problemet e evidentuara në të, Qeveria vazhdon ta konsiderojë kundërshtimin ndaj ligjit si një reagim emotiv. Shumë shpejt, përpjekjet për të miratuar ligjin do rifillojnë, nën të njëjtat mashtrime propagandistike të shpërndara deri më sot”, paralajmëron Aleanca.

Në fund, Aleanca për Mbrojtjen e Teatrit i bën thirrje qytetarëve të vazhdojnë të mbrojnë këtë kauzë teksa thekson se sot më shumë se kurrë, rezistenca e përbashkët është një detyrim historik i të tërëve.

Deklarata e plotë

Aleanca për Mbrojtjen e Teatrit përshëndet dhe vlerëson vendimin e sotshëm të Presidentit të Republikës për të kthyer për rishqyrtim ligjin special që i hapte rrugë prishjes së godinës së Teatrit Kombëtar.

Qëndrimi i sotshëm i Presidentit rikonfirmon edhe rishtazi vlefshmërinë dhe saktësinë e argumenteve të paraqitura nga Aleanca, të reflektuara tashmë edhe në 15 pyetjet që Komisioni Evropian i ka dërguar Qeverisë shqiptarë në lidhje me këtë ligj.

Ashtu siç e kemi theksuar në mënyrë të vazhdueshme, problemi i Teatrit nuk ishte thjesht një problem i trashëgimisë kulturore. Ligji special ishte një shkelje e rëndë e parimeve kushtetuese, e barazisë para ligjit dhe ndarjes së pushteteve, e konventave ndërkombëtare, dhe e legjislacionit aktual. Ai ligj përbën një precedent të rëndë për mënyrën se si Qeveria duhet të sillet në një shtet demokratik, për procesin e vendimmarrjes dhe transparencës që duhet ta shoqërojë atë. Në kushtet e mos-funksionimit të Gjykatës Kushtetuese, bllokimi i këtij ligji merrte një vlerë akoma më kritike.

Pikërisht pasi besojmë së precedenti që ky ligj krijonte ishte tejet i rrezikshëm për demokracinë e brishtë shqiptare, ne falenderojmë të gjitha ata faktorë që në një mënyrë ose tjetër kontribuan për këtë vendim. Të gjithë qytetarët, organizatat, mediat, partitë politike, përfaqësues ndërkombëtar, të cilët ngritën zërin në kundërshtim të këtij ligji skandaloz, i kanë kryer një shërbim të jashtëzakonshëm shoqërisë shqiptare.

Ne jemi të qartë që kjo luftë nuk mbaron këtu! Përpjekjet e Qeverisë për të mos ju përgjigjur shkeljeve të rënda të ligjit vazhdojnë edhe sot. Megjithëse problemet e evidentuara në të, Qeveria vazhdon ta konsiderojë kundërshtimin ndaj ligjit si një reagim emotiv. Shumë shpejt, përpjekjet për të miratuar ligjin do rifillojnë, nën të njëjtat mashtrime propagandistike të shpërndara deri më sot. Kjo përpjekje do vazhdojë të ndihmohet në këtë fushatë dezinformuese nga thuajse gjithë mediat e mëdha të vendit të cilat ende nuk shpjegojnë për publikun përmbajtjen e ligjit special.

Gjithsesi, vendimi i Presidentit mbetet një moment i rëndësishëm në këtë kauzë. Është një moment kur historia do të dallojë ndërmjet atyre që shkelën Kushtetutën e vendit dhe atyre që e mbrojtën atë. Ata që rreshtohen sot në anën e drejtë të historisë, herët a vonë do jenë fitimtar në përpjekjen e tyre.

Së fundmi, duam ti bëjmë thirrje qytetarëve të vazhdojnë të mbrojnë këtë kauzë. Beteja për Teatrin është beteja për një shtet ligjor, është beteja që mbron shtëpitë, pronat dhe të drejtat e çdo qytetari. Ajo na përket të gjithëve, pavarësisht mendimeve dhe vlerësime mbi statusin dhe bukurinë e godinës. Një Qeveri që grabit sot pronën e përbashkët publike, është një Qeveri që nesër do grabisë pronat private të qytetarëve. Prandaj, sot më shumë se kurrë, rezistenca e përbashkët është një detyrim historik i të tërëve!

Aleanca për Mbrojtjen e Teatrit