Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Alergjia nga Penicilina, simptomat dhe trajtimi

Politiko 25 Tetor 2018, 13:52
Alergjia nga Penicilina, simptomat dhe trajtimi

Penicilina përdoret për të trajtuar infeksionet bakteriale, duke përfshirë pneumoninë, ethet e kuqërremta dhe infeksionet e veshëve. E zbuluar nga shkencëtari skocez, Alexander Fleming në vitin 1928, penicilina besohet të ketë shpëtuar rreth 200 milionë jetë që kur filloi të përdoret si ilaç në vitin 1942.

Por sipas Akademisë së Astmës dhe Imunologjisë Alergjike (AAAAI), rreth një në 10 pacientë besojnë se kanë alergji ndaj penicilinës.

Simptomat e një alergjie peniciline zakonisht shfaqen rreth një orës pas marrjes së saj. Është shumë e zakonshme që efektet anësore të antibiotikëve të jenë cilësuar gabim si reaksione alergjike.

Megjithatë, nëse nuk jeni i sigurt nëse jeni duke përjetuar një reaksion alergjik ndaj penicilinës apo jo, ka shenja të caktuara që duhet të kërkoni.

Simptomat e buta të alergjisë së penicilinës mund të përfshijnë zhvillimin e një skuqjeje të lëkurës, kruarje, rrufw, gulçim dhe sy të mbushur me lot.

Në raste të rralla, një person me alergji të penicilinës mund të përjetojë edhe anafilaksi. Anafilaksi është një reaksion i rëndë alergjik që mund të hyjë në fuqi shumë shpejtë.

Simptomat e një reaksioni të rëndë alergjik mund të përfshijnë ënjtje në fyt ose në gojë, një ndryshim në shkallën e zemrës së një personi, dhimbje barku dhe humbje të vetëdijes.

Nëse një person vuan nga anafilaksi, ata do të kërkojnë kujdes të menjëhershëm mjekësor. Zgjidhja më e lehtë për trajtimin e alergjisë është shmangia e antibiotikut krejtësisht.

Megjithatë, nëse e keni marrë ilaçin dhe jeni duke vuajtur nga një reaksion alergjik, atëherë doktori juaj mund t’ju përshkruajë një antihistaminë në mënyrë që t’i kundërviheni efekteve. Nëse një person ka një reagim të ashpër, duhet kujdes i menjëhershëm mjekësor.

Të fundit