Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Ambasadori rus: Takimi Putin-Thaçi i paplanifikuar, asgjë substanciale
Politiko.al
Ambasadori i Rusisë në Tiranë, Aleksander Karpushin, në një intervistë për gazetën Albanian Daily News thotë se biseda mes Putin dhe Thaçit nuk ishte e planifikuar, 'kështuqë nuk mund të jetë substanciale'. Diplomati rus shton se takimi i dy krerëve të shteteve nuk mund ta ndikojë pozicionin e Rusisë që mbështetet te Rezoluta 1244 e KS të OKB.
Më poshtë përgjigjia e plotë e Ambasadorit rus për pyetjen e ADN që lidhet me takimin mes Vladimir Putinit dhe Hashim Thaçit:
Biseda me kryeministrin Thaci nuk ishte planifikuar, kështuqë nuk mund të jetë substanciale. Është e qartë se një takim i tillë nuk mund ta ndikojë pozicionin e Rusisë në Kosovëm i cili bazohet në ligjin ndëkombëtar, kryesisht në Rezolutën 1244 të Këshillit të Sigurimit të OKB.
Sa i takon dialogut Prishtinë-Beograd ai kryhet, me sa dimë ne, nëpërmjet ndërmjetësimit të BE. Rusia e mbështet plotësisht këtë proces, por ne nuk mund të mos vërejmë se një numër marrëveshjesh të arritura ndërkohë nga palët mbeten të pazbatuara: Prishtina në veçanti e zvarrit krijimin e Rrjetit të Komunave serbe në Kosovë në çdo mënyrë të mundshme. Ne shpresojmë që Brukseli do të jetë në gjendje të për të siguruar zbatimin e të gjitha marrëveshjeve. Është herët për të folur rreth rezultateve të mundshme, por siç ka thënë ministri i Jashtëm, Lavrov, nëse Beogradi sheh ndonjë opsion si të pranueshëm, pala ruse do të jetë e gatshme ta konsiderojë në mënyrë konstruktive.