Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ambasadorja greke te Avokatja e Popullit: Të respektohet e drejta e pronës. Ballanca: Asnjë prapaskenë për diskriminim etnik

Politiko 29 Shtator 2017, 11:52
Ambasadorja greke te Avokatja e Popullit: Të respektohet e drejta e

Avokatja e Popullit, Erinda Ballanca priti dje në një takim ambasadoren greke në Tiranë, Eleni Surani dhe zv.Ambasadorin, Grigoris Delavekuras.

Takimi u fokusua në diskutime në lidhje me çështjet e të drejtave të njeriut, respektimin e tyre dhe marrëdhëniet midis autoriteteve shtetërore dhe individëve.

Ambasadorja greke i shprehu Avokates së Popullit konsideratën e saj për vëmendjen që institucioni i Avokatit të Popullit po tregon në lidhje me të drejtat e njeriut në Shqipëri dhe sidomos ato që lidhen me respektimin e të drejtës së pronës në rastet e shpronësimeve si rezultat i projekteve infrastrukturore.

Avokatja e Popullit nga ana e saj ndau pikëpamjen se ndërkohë që Shqipëria e ka të nevojshme të zbatojë projektet e saj zhvilluese dhe modernizuese të infrastrukturës, është e domosdoshme që ky proces të kryhet në respekt të të drejtës së çdo individi për t’u kompensuar në mënyrë të drejtë dhe të ndershme.

Ballanca shprehu bindjen se asnjë nga proceset e shpronësimeve në vend nuk ka ndonjë prapaskenë apo axhendë diskriminimi etnik dhe kërkoi që vendet mike të tregohen të zëshme dhe aktive për ta ndihmuar Shqipërinë të jetë një vend që i respekton të drejtat e të gjithë qytetarëve të vetë pavarësisht origjinës së tyre.  

Sofia angazhon Parlamentin Evropian: Shqipëria të njoh minoritetin bullgar

Të fundit