Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Apeli për ndihmë: Ish-burri më dhunon, nuk dua ta pësoj si Fildesi

Politiko 1 Shtator 2017, 22:26

Vrasja e Fildes Hafizit nga ish-bashkëshorti i saj, Fadil Kasemi, ka shtyrë një grua nga Fushë-Kruja që të bëjë apel për ndihmë pasi ndihet e kërcënuar nga ish-bashkëshorti i saj, shtetasi A.D.

Shtetësja Merita Brama ka dërguar një mesazh në faqen ‘Nisma Thurje’ ku thotë se ndonëse ka një urdhër mbrojtje dhe ish-burri i saj ndodhet në kërkim, sërish merr kërcënime të vazhdueshme për jetën dhe fëmijët.

Ajo tregon se si është dhunuar më 15 korrik me levë në rrugë nga A.D., ndonëse ata janë tashmë të divorcuar.

Siç mësohet edhe nga deklarata e kallëzimit penal që Brama ka bërë në polici, shkak i konfliktit me ish-burrin është bërë banesa e përbashkët.

Reagimi:

URGJENTE!

APEL PËR JETËN TIME!

Nga Merita Brama

Nisma përshëndetje. Quhem Merita Brama dhe dua ti bëj nëpërmjet jush një apel gjithë strukturave të shtetit dhe shoqërise sepse jam e rrezikuar për jetën, unë dhe fëmijët e mi.

Unë jam ndarë nga im shoq në maj sepse ai ishte i dhunshëm. Nuk mund ta duroja më. Mbas vitesh dhune e vendosa dhe u largova me fëmijët. Pasi u ndamë, në mëngjesin e 15 korrikut, në orën 6, burri më ka zënë pritë teksa shkoja në punë dhe tentoi të më vriste me levë. Kam ngrënë mbi 40 goditje levash në kokë dhe gjithë trupin dhe një Zot e di si munda ti shpëtoj e të largohem prej tij. E larë në gjak kam shkuar në komisariat ku më ka rënë të fikët dhe jam zgjuar në spitalin e traumës. Aty ka ardhur prokuroria dhe më ka marrë kallzimin por ju desh 1 muaj e gjysëm që ta shpallnin personin në kërkim. Ndërkohë ai fshihet te të afërmit e tij dhe me con kërcënime nëpërmjet vëllezërve të tij se do më vrasë edhe mua dhe fëmijët. Fëmijët janë me mua, njëri rri gjithë ditën e më ruan teksa tjetri punon. Jam shumë e frikësuar. Nuk dua ta pësoj si Fildesi që iku nga kjo jetë. E dua jetën dhe nuk kam bërë asnjë faj që të ma marrë dikush. I dua fëmijët dhe duam të jetojmë të qetë. Policia, prokuroria as që na dëgjojnë. Kam kërkuar urdhër mbrojtjeje, asgje. Askush nuk na i vë veshin dhe ndaj ju drejtuam ju që ndoshta duke e bërë publike, shumë njerëz solidarizohen dhe shteti reagon e na mbron. Ky në foto është ish burri im, A.D., njeriu që do të na vrasë. I cili eshtë betuar se nëse nuk na vret, nuk gjen paqe.

Ju lutem na ndihmoni!

Të fundit