Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Arben Malaj flet për Erion Veliajn: Është arrogant në qeverisje dhe bazohet te numri i gjobave

Politiko 21 Janar 2019, 22:45
Arben Malaj flet për Erion Veliajn: Është arrogant në

Dikur një nga drejtuesit më të lartë në Partinë Socialiste, Arben Malaj vijon aktualisht aktivitetin e tij profesional larg politikës. Ish-ministri i Financave foli në emisionin ‘5 pyetjet’, ndër të tjera, edhe për kryebashkiakun e Tiranës, Erion Veliaj, nga i cili kërkoi të jetë i kujdesshëm me ambiciet që ka.

“Ju kujtohet kur solli gomerë te Parlamenti kundër ministrit të Arsimit? Tani mund të ketë një nismë për të çuar derra te bashkia e Tiranës meqë s’ka mbajtur premtimet. Te Lëvizja Mjaft nuk pati rezultate dhe erdhi te PS për të marrë mandat. Është problem fakti që marrin një mandat dhe thonë nëpër tavolina që jam kryeministri i ardhshëm. Të bëjë kujdes me ambiciet që ka”, u shpreh Malaj.

Arben Malaj e akuzoi Erion Veliajn për qeverisje arrogante në krye të bashkisë së Tiranës. Sipas ish-ministrit, Veliaj bazohet te numri i gjobave që vendos bashkia, ndërsa sjelljen e policisë bashkiake e konsideroi mizore.

“Problemi që ka bashkia e Tiranës është modeli i qeverisjes. Është arrogant. Bazohet te numri i gjobave, te sjellja mizore e Policisë Bashkiake që tregon ndaj tregtarëve. Le të marrim rastin e Astrit. Ç'është kjo që në mes të dimrit ato familje duhet të lëvizin? Kanë 80 ditë që protestojnë, por e di çfarë do të thotë që një fëmijë të jetë në protestë? Pse duhet kjo? Kur merret një vendim, merret një vendim për impaktin social që shkakton”, tha ai.

Shfaqja e përditshme në media nga kryebashkiaku i Tiranës ishte një tjetër kritikë që iu drejtua nga Malaj.

“Është i ri, por si ka mundësi që mos të dalë një ditë në televizor? E para, përse e do? E dyta në kurriz të kujt e bën? Ato orë televizionet mund t’i përdorin për programe edukimi sesa të shohim Veliajn”, u shpreh ish-ministri.

I pyetur nëse kryeministri Edi Rama duhet ta rikandidojë Veliajn për një mandat i dytë, Arben Malaj kërkoi që qytetarët të mbështesin kandidatët e pavarur.

“As dua t’ja di fare. Fati i Veliajt nuk duhet të përcaktohet nga Edi Rama, por nga qytetarët e Tiranës që duhet të votojnë kandidatë të pavarur. Kur i përcakton kryetari, qoftë majtas apo qoftë djathtas, ata i harrojnë hallet e qytetarëve”, u shpreh Arben Malaj.

Problemet te socialistët, Arben Malaj: Nëse nuk rikthehet demokracia, PS do shkojë drejt shuarjes

Të fundit