Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ardian Dvorani: Në shtator priten emërimet e reja për Gjykatën Kushtetuese

Politiko 22 Korrik 2019, 15:22
Ardian Dvorani: Në shtator priten emërimet e reja për

Kreu i Këshillit të Emërimeve në Drejtësi, Ardian Dvorani ka folur lidhur me emërimin e anëtarëve të rinj të Gjykatës Kushtetuese.

Dvorani tha për A2CNN se të mërkurën nis “filtrimi” i kandidatëve, proces i cili do të përfundojë për 10 ditë.

Më pas procesi kalon në duart e Kuvendit dhe Presidentit dhe nga shtatori pritet që këto emërime të jenë vendosur.

“Pasnesër Këshilli do të marrë në shqyrtim 14 nga kandidatët, për të lejuar apo ndaluar kandidimin e tyre dhe në ditët në vijim, që sigurisht do të jenë shumë shpejt, ndoshta brenda javës apo në fillim të javës tjetër, edhe pjesën tjetër të kandidatëve. Mbas këtyre vendimeve Këshilli do të kalojë në fazën e vlerësimit, pikëzimit dhe renditjes së kandidatëve, e cila edhe sipas ligjit është e detyrueshme të përfundojë në një afat maksimal 10-ditor. Kushtetuta dhe ligji parashikojnë që Këshilli i Emërimeve në Drejtësi duhet të kryejë procesin e verifikimit dhe vlerësimit dhe organet e emërtesës që në këtë rast do të jenë Presidenti i Republikës dhe Kuvendi kanë një afat maksimal 30 ditor, nga dita që dokumentacioni përkatës mbërrin nga KED. Pra mund të prezumohet që nëse ne në fillim të gushtit përcjellim renditjet përkatëse te Presidenti i Republikës dhe Kuvendi, ata duhet që brenda një muaji të përfundojnë procedurën e tyre. Në rast se ata nuk arrijnë të gjejnë shumicën e nevojshme apo vendosin të mos shprehen me vendimmarrje përkatëse atëherë Kushtetuta dhe ligji parashikojnë dhe mekanizmin i cili nuk e bllokon procesin” , u shpreh kreu i KED, Dvorani.

 

 

 

Të fundit