Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Ardian Ndreca për kthimin e eshtrave të Mid'hat Frashërit: Kolaboracionist ishte Enver Hoxha

Politiko 12 Nëntor 2018, 17:00
Ardian Ndreca për kthimin e eshtrave të Mid'hat Frashërit:

Ardian Ndreca, profesor në Universitetn Urbaniana në Romë, ka reaguar në lidhje me debatin e ditëve të fundit për kthimin e eshtrave të patriotit Mid'hat Frashëri në atdhe. Mospranimin e figurave si e Frashërit, Ndreca e sheh te 'mendwsia komuniste'. Sa i takon akuzës së 'kolaboracionizmit' të Mid'hat' Frashërit ai thotë se kolaboracionist ishte regjimi i Hoxhës që iu bashkangjit jugosllavëve, sovjetikëve dhe u bë urë për kinezët në Europë.

Postimi plotë të Facebook i Ardian Ndrecës:

Mendësia komuniste nuk pranon figurat si Mit’hat Frashëri e madje kthimin e eshtnave të tija në atdhe e trajton si nji sfidë. S’e kuptojnë se sfida e vetme që i asht ba shqiptarëve në shekullin XX ka qenë vendosja me dhunë e nji regjimi çnjerzor si ai i Enver Hoxhës, kundër të cilit ishte rreshtue Mit’hat Frashëri dhe pak para vdekjes së tij, me “doktrinën Truman” do të rreshtohej pothuejse e gjithë bota e qytetnueme perëndimore.

Ata që fituen Luftën e Dytë e Botnore do t’i kundërveheshin “monstrës” që iu bashkue luftës kundër nazizmit jo për me mbrojtë idealet e lirisë por vetëm pushtetin e vet të lamë me gjak.

Regjimi i Enver Hoxhës nuk ka pasë asnji ideal të përbashkët me fituesit e përhershëm të luftës kundër totalitarizmit.

Regjim ma kolaboracionist se ai që iu shit ende pa mbarue lufta Titos e mandej Stalinit dhe përfundoi tue u ba ura qesharake kineze në Europë nuk besoj se ka ekzistue!

Jam i bindun se nji si Mit’hat Frashëri, njeri me kulturë të thellë e me bindje liberale, politikan me orientim perëndimor nuk do ta katandiste Shqipninë në atë gjendje ku e la komunizmi në vitin 1990.

Të fundit