Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Armë dhe drogë në një përrua në Memaliaj, polica në kërkim të poseduesve

Politiko 6 Dhjetor 2017, 13:24
Armë dhe drogë në një përrua në Memaliaj, polica

Në kuadër të operacionit “Zhapokika”, policia e Memaliajt ka sekuestruar ditën e sotme 4 armë zjarri dhe 5 kg kanabis.

Përmes rrugëve operative, policia është informuar se dy persona po transportonin drejt një përroi në fshatin Zhapokikë  në Memaliaj, armë dhe drogë më qëllim fshehjen e tyre.

Ndërkohë po punohet për kapjen  dhe arrestimin e poseduesve të armëve dhe lëndës narkotike.

Njoftimi i policisë:

Në vijim të punës për kontrollin e territorit për parandalimin, evidentimin dhe goditjen e veprimtarisë kriminale në fushën e narkotikëve dhe armëmbajtjes pa leje, shërbimet e Policise në Memaliaj, në bashkëpunim me Specialistët e Sektorit për Hetimin e Narkotikëve dhe Trafiqeve te Paligjshme në D.V.P.Gjirokastër, kanë zhvilluar operacionin e koduar “Zhapokika”.

Mbi bazën e informacioneve të mara në rrugë operative se dy shtetas, (gjeneralitetet e të cilëve nuk i bëjmë me dije për arsye hetimi), po transportonin në një përrua, armë e drogë me qëllim fshehjen e tyre, kanë ushtruar kontroll të imtësishëm në vendin e quajtur “Përroi i Madh”, në fshatin Zhapokikë, Bashkia Memaliaj.

Si rezultat i kontrollit shërbimet e Policisë kanë gjetur të fshehura në një zone me shkurre 4 armë zjarri, përkatësish: Tre armë zjarri model 54, një armë zjarri automatike model 56 si dhe dy krehëra me fishekë.

Gjithashtu,pranë tyre është gjetur dhe një qese e zezë, brenda të cilës kishte lëndë të dyshuar narkotike Cannabis Sattiva me peshë totale, 5 kg.

Nga shërbimet e policisë po punohet për zbardhjen e plotë të kësaj veprimtarie kriminale si dhe për kapjen e autorëve. Materialet i kaluan Prokurorisë Pranë Gjykatës së Shkallës së Parë Gjirokastër për hetime të mëtejshme për veprën penale “Prodhimi dhe shitja e lëndëve narkotike” dhe “Mbajtja pa leje e armëve luftarake dhe municionit”, parashikuar nga nenet 283 e 278 e Kodit Penal.

 

Të fundit