Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Arrestohet në Durrës i shumëkërkuari me tre emra

Politiko 10 Tetor 2018, 16:04
Arrestohet në Durrës i shumëkërkuari me tre emra

Policia e Durrësit ka vënë në pranga dy persona në kërkim ndërkombëtar.

Ferdinand Tare, i cili rezulton se ka përdorur edhe emrat Ferdinand Luka dhe Alfred Daja, ishte i shpallur në kërkim ndërkombëtar nga Interpol Roma më 5 Tetor të këtij viti, pasi gjykata italiane e Barit e ka dënuar me 8 vjet 2 muaj e 18 ditë burgim për veprën penale “Organizatë kriminale, me qëllim trafikimin e lëndëve narkotike të llojit heroinë”, bënë me dije burime zyrtare nga Policia e Durrësit.

Po ashtu në pranga ka rënë dhe një 32-vjeçar i shpallur në kërkim kombëtar për “Prodhim dhe shitje të narkotikëve”.

Njoftimi i Policisë:

Policia e Durrësit, Forca e Posaçme “Shqiponjat”, e mbështetur nga FNSH, kontrolle të befasishme për kapjen e personave në kërkim kombëtar e ndërkombëtar

Si rezultat i kontrolleve kapen dhe ndalohen dy të kërkuar.

Po si rezultat i kontrolleve, janë shoqëruar për verifikim 14 shtetas me precedentë penalë në fushën e narkotikëve, vjedhjes së pronës dhe krimeve ndaj jetës.

Kapet dhe ndalohet një tjetër shtetas i shpallur në kërkim ndërkombëtar, pasi autoritetet italiane e kanë dënuar me 8 vite burgim.

Gjithashtu kapet dhe ndalohet për llogari të DVP Berat edhe një 32-vjeçar i shpallur në kërkim kombëtar për “Prodhim dhe shitje të narkotikëve”.

Shërbimet e Drejtorisë Vendore të Policisë Durrës në bashkëpunim me Interpol Tirana pas informacioneve të marra në rrugë operative për një shtetas të dënuar në Itali dhe si rezultat i kontrolleve të befasishme të Policisë, kanë bërë të munduar lokalizimin dhe kapjen e tij, konkretisht:

  • F. T(F. L, A.D), 53 vjeç, banues në Durrës.

Shtetasi i mësipërm ishte i shpallur në kërkim ndërkombëtar nga Interpol Roma/Itali, më datë 05.10.2018, pasi Autoritetet Gjyqësore Bari- Itali e kanë dënuar me 8 vjet 2 muaj e 18 ditë, për veprën penale “Organizatë kriminale, me qëllim trafikimin e lëndëve narkotike të llojit heroinë”, parashikuar nga neni 73, 74 etj të Kodit Penal Italian.

Kontrollet do vijojnë në të gjithë territorin e qarkut Durrës për kapjen e personave në kërkim për vepra të ndryshme penale, të atyre që qarkullojnë me armë zjarri, apo kryejnë trafiqe të paligjshme.

Të fundit