Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Artan Fuga: Kam vendosur të jetoj këtu!

Politiko 14 Gusht 2017, 08:04
Artan Fuga: Kam vendosur të jetoj këtu!

Akademiku i mirenjohur Artan Fuga së fundit në rrjetin e tij social “Facebook”, ka publikuar një status  ku shkruan “Ne që kemi mbetur”.  Ai me një ironi therëse përshkruan situatën në të cilën po kalon shoqëria  dhe vendi në përgjegjësi. Ja postimi i Fugës:

“Ne që kemi mbetur

----------------------------------------

Ikën ata që shpallën pavarësinë,

madje iku edhe Haxhi Qamili,

Iku Selam Musai,

vate edhe Themistokliu.

Ikën ata që kishin bërë studimet në Firence, Romë dhe Vienë,

dërguar nga Lartmadhëria Zogu i Parë i shqiptarit,

Ikën edhe ata që më pas i bënë studimet në Moskë, Kiev dhe Leningrad,

mbetën ata që diplomohen me letra pa vlerë njomur me ujë Lane.

Madje ikën edhe ata që studjuan në Kinë, Vietnam dhe Kore.

Gjithçka në tru ka zënë kore,

ose skorje,

Mall rrethinash elbasani.

Prodhim shkretëtire e Gobit, me etIketë anglosaksone.

Ose edhe ca të tjerë nga krahina dru me pre!

Ikën gjeneralët,

ikën dallëndyshet, lejlekët dhe arinjtë nga malet.

Ikën traktoristët,

Ikën kombajnerët!

Madje ikën edhe shoferët

të skodave Albania, kontrabandistët,

Mbetën analistët,

Ikën ata që dinin latinisht.

Ikën edhe osmanologët.

Ikën ata të greqishtes së lashtë,

ikën përkthyesit e kinezces

të rusishtes.

Nuk ka më as të burgosur për të përkthyer si duhet veprat e mëdha të artit botëror.

Tani mashtruesit përkthejnë rëndomthi me google translator.

Ikën ata që dinin të ndërtonin hekurudha,

ikën ata që dinin të operonin,

Ikën ata që mbi supe dinin të mbanin pesëdhjetë vite burg,

ikën meshtarët ilegalë dhe hoxhallarët që agjëronin fshehurazi.

Ikën dhe besimtarët,

mbetën bestydët dhe ne frikacët nga vdekja.

Ikën dashnorët e serenatave,

ikën vajzat që kishin frikë mamatë,

ikën gratë që u ndruheshin burrave dhe burrat që nuk kishin frikë nga gratë.

Mbetën T-shirt-et uniseks.

Ikën edhe virgjëreshat bashkë me burrneshat.

Mbeti preshi.

Dhe kastraveci i rritur në furgone

me hormone.

Iku dhe Bulevardi i Korçës,

mbetën kërnackat korçare,

me kullën idiote.

Iku velenca prej leshi.

Iku edhe guna e grrisur mbi tela,

Mbetëm ne që tërë ditën në verë themi : uuuu sa vapë,

ne llotaxhinjtë,

mbetëm ne që u marrin votave atyre që janë pas nesh në listat e kandidatëve për deputetë.

ne hajdutët që bërtasim "Kapeni hajdutin!"

Mbetën edhe pulat që t'i vjedhim ne hajdutët e pulave.

Mbetëm ne që ikim nga sytë këmbët dhe bërtasim :

"Shqipëri të kam lënë pendët!"

Mbetëm ne të ikurit që nuk ikim dot!

Dhe nga që nuk ikim dot bërtasim :"Kam vendosur të jetoj këtu!:"

Mbetëm ne lexuesit e pornove prej të sëmurësh seksualë në gazeta.

Mbetëm ne rrenacakët që nuk e shohim hundët e pinokut te ata që na gënjejnë.

Mbetën edhe qentë e bashkive. Me vathë në vesh!

Dhe ne që na kafshojnë qentë!

Si edhe karvani që leh kur sheh se qentë shkojnë përpa

a!

Të fundit