Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Artan Fuga: Si e sabotoi Ministria e Arsimit mësimin parauniversitar?

Politiko 30 Shtator 2020, 12:16

Artan Fuga: Si e sabotoi Ministria e Arsimit mësimin parauniversitar?

Akademiku Artan Fuga ka reaguar në lidhje me strategjitë që shoqëruan nisjen e mësimit parauniversitar duke i ironizuar me përrallën “Gjinkalla dhe milingona”, ku sipas të cilit ministria e arsimit ka dështuar me përgatitjen e strategjive të domosdoshme për periudhën e pandemisë.

Ai vetë ka rënditur një sërë strategjish që duhet të ishin realizuar nga ministria e arsimit dhe thotë se nëse kjo e fundit si ka bërë po ka zgjedhur të hardisej plazheve, atëherë ka sabotuar sistemin shkollor.

“…nëse gjinkalla në vend të punonte hardisej plazheve në pushime, atëhere ka sabotuar arsimin parauniversitar shqiptar dhe ka goditur sigurinë sanitare”, thotë ai.

Shkrimi i plotë:

Dihet përralla e milingonës me gjinkalllën, megjithëse gjinkala e shkretë në të vërtetë nuk ka faj. Milingona gjatë verës mblidhte zaire për dimër, kurse gjinkala këndonte. Kur milingona nuk iu përgjigj talljeve të gjinkallës, ajo mendonte për dimrin gjithë acar që afrohej. Gjinkalla këndonte: tralalala!

Gjatë verës duheshin përgatitur për arsimin universitar disa strategji të shëndosha dhe që do të siguronin një arsim parauniversitar që duhet!

Dokumenta shkollore online
– Libri për pedagogjinë e mësuesit për mësimin online, në distancë, në televizion, etj.
– Libri për pedagogjinë shoqëruese për prindin për mësimin e fëmijës në distance, online, ne televizion etj.

– Libri për të mësuarin në distancë, online, në televizion, për nxënësin.

Pedagogjinë e mësimit në distancë për cdo temë mësimore.

Nëse i ka përgatitur milingona, bravo i qoftë, nëse jo, gjinkalla vetëm ka kënduar gjatë verës, flladitur në buzë të detit, atëhere ka sabotuar arsimin parauniversitar.

Kontratat me televizionet publike ose private për mësimdhënien sipas klasave në televizione, duke e mbuluar këtë kontratë me financë, ose prodhimin e videove me mësimet për cdo lëndë.
Po e pat bërë milingona bravo i qoftë, nëse gjinkalla në vend të punonte hazdisej plazheve në pushime, atëhere ka sabotuar arsimin parauniversitar shqiptar dhe ka goditur sigurinë sanitare të kombit.

Nëse Ministria e arsimit ka arritur të ndërtojë kartografinë e pajisjes të mësueve me lidhje interneti në shtëpira dhe mundësisht edhe me kompjutera me qira, me telefona me lidhje interneti, atëhere aferim i qoftë. Nëse në vend të kësaj gjinkalla ka kënduar tralalala pemë më pemë atëherë ka sabotuar mësuesinë në republikën e Shqipërisë.

Nëse ministria e arsimit ka menduar për të bërë kontrata me salla sporti, me restorante të boshatisur, me salla publike, etj., në cdo qytet kundrejt qirasë bravo i qoftë milingonës. Nëse nuk e ka bërë por ka bërë bzbzbzbz gjinkalla gjithë vapës të verës, atëhere ka sabotuar rëndë infrastrukturën e shkollës.

Nëse ministria e arsimit ka përgatitur amendime në ligjën për arsim duke parashikuar mësimin në shtëpi, në distancë, të drejtën për ta njohur vitin shkollor me provime semestrale, etj., bravo i qoftë milingonës, por nëse në vend të këtyre gjinkalla është marrë me broçkulla e tekste antikushtetuese dhe antiligjore duke bërë bzzzzzzzzz në breg të detit, atëhere, ka sabotuar kuadrin ligjor të përballimit të krizës.

Koha që luani, tigri, elefanti, dhelpra, të marrin në shqyrtim sjelljen e këtij insekti, nëse ka qenë milingonë ose gjinkallë se përndryshe, milingona – gjinkallë është kthyer në çakall që po ha dijen kombëtare, po vret nxënës dhe mësues, po shkatërron dijen e rinisë shqiptare, dhe këtë këtij kombi nuk ja ka bërë asnjë pushtues.