Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Artan Lame: “Je suis Scanderbeg”, jam i gatshëm të bëhem hero për të të mbrojtur ....

Politiko 1 Shtator 2017, 16:02

Edhe kreu i ALUIZNI-t, Artan Lame, një nga figurat qendrore të PS-së, ka reaguar në ‘Facebook’ për mbulimin me perde të monumentit të Skënderbeut në Tiranë me rastin e festës së Kurban Bajramit dhe faljes së Namazit. Me anë të një statusi në rrjetin social, Lame thotë se Skënderbenë e zunë me perde që të mos shihej se si mbretëron e kalëron mbi kalë tash 550 vjet, ndërsa shprehet se është i gatshëm nga njeri të bëhet hero, për të mbrojtur atë. Ja statusi i Lames:

"JE SUIS SCANDERBEG

E kam qeshur e jam tallur me Skënderbenë, sa pa dyshim e kam tepruar. Kam bërë ironi dhe i kam rënë në qafë, sa s’di si më ka duruar. Por i kam bërë këto se e dua Skënderbenë njeri me mish e kocka me halle e telashe, jo si një mit të kalçifikuar nga ata që pastaj themi “pale a ka qenë”.

Ashtu sikundër çdo i krishterë i mirë, e do Jezunë si njeri që zbriti mes vdektarëve e dha jetën për ta. Ashtu sikundër çdo muhamedan i mirë, e do Muhametin si njeri që ulur këmbëkryq u shpjegon të thjeshtëve udhën e drejtë. Ashtu edhe unë e dua Skënderbenë si njeri që mes njerëzve të tij, me gjoks përballte të keqen e madhe të kohës vet, ndërsa me kurriz mban edhe llafet e kohës sonë.

Por sot Skënderbenë tim ma zunë me perde që të mos shihej se si mbretëron e kalëron mbi kalë tash 550 vjet. Sot i zunë të pamët të mos i shihte, neser një zot e di se ç’mund t’i bëjnë.

Ndaj sot jam i gatshëm nga njeri të bëhem hero, për të mbrojtur heronë-njeri. Sot ndjehem i gjithi “je suis Skanderbeg”. E në qofshim shumë, s’kanë ç’i bëjnë heroit."

Të fundit